Protocol ມາດຕະຖານຂອງລະບົບເຄື່ອຂ່າຍ

ຮູ້ຈັກກັບ Protocol

ການທີ່ຈະໃຫ້ຄອມພິວເຕີສາມາດຕິດຕໍ່ສື່ສານກັນໄດ້ຢ່າງເຂົ້າໃຈນັ້ນຈໍາເປັນຕ້ອງມີພາສາໃນການສື່ສານໂດຍສະເພາະພາສາຂອງການ ສື່ສານໃນຄອມພິວເຕີເອີ້ນວ່າProtocol ເປັນລະບຽບວິທີທີ່ກໍານົດຂຶ້ນ ສໍາລັບການສື່ສານໃຫ້ສາມາດຕິດຕໍ່ສື່ສານກັນຫຼືຮັບສົ່ງຂໍ້ມູນລະຫວ່າງຕົ້ນທາງກັບປາຍທາງໄດ້ຢ່າງຖືກຕ້ອງບໍ່ຜິດພາດ, Protocol ທີ່ໃຊ້ກັບຄອມ ພິວເຕີມີຢ່າງຫຼວງຫຼາຍເຊັ່ນ : NetBEUI ເຊິ່ງເປັນ Protocol ອີກອັນ ທີ່ໃຊ້ໄດ້ດີໃນລະບົບເຄືອຂ່າຍຂະຫນາດນ້ອຍ ທີ່ໃຊ້ລະບົບປະຕິບັດການ Windows ແຕ່ບໍ່ສາມາດເຮັດວຽກໄດ້ໄວຫຼາຍ ນິຍົມໃຊ້ໃນລະບົບ ປະຕິບັດການລຸ້ນເກົ່າຢ່າງ Windows For Workgroup 3.11 ເປັນຕົ້ນ ແລະ ຍັງມີ Protocol ອື່ນໆອີກຫຼາຍ ແຕ່ສ່ວນຫຼາຍທີ່ໃຊ້ກັນເປັນຫຼັກກໍ່ຄື TCP/IP (Transmission Control Protocol / Internet Protocol).

TCP/IP

ເປັນ Protocol ທີ່ໃຊ້ກັນໃນເຄືອຂ່າຍອິນເຕີເນັດເຊິ່ງແນ່ນອນວ່າໃຊ້ໃນ Home Network ໄດ້ດ້ວຍ TCP/IP ຈະເຮັດຫນ້າທີ່ເປັນສື່ ກາງໃນການຮັບສົ່ງຂໍ້ມູນໃນເຄືອຂ່າຍ ການເຮັດວຽກຂອງ TCP/IP ຈະມີການຈັດແບ່ງຂໍ້ມູນອອກເປັນຍ່ອຍໆນັ້ນເປັນຂໍ້ມູນຕົ້ນສະບັບອີກຄັ້ງ ແລະຮັບປະກັນຄວາມຖຶກຕ້ອງດ້ວຍໂຕມັນເອງ.

IP Address

່ ການຕິດຕໍ່ສື່ສານໃນເຄືອຂ່າຍຄອມພິວເຕີທີ່ໃຊ້ Protocol TCP/IPນອກຈາກການເຮັດວຽກຂອງ TCP/IP ແລ້ວຍັງມີການກໍານົດເລກຫມາຍຂອງອຸປະກອນທຸກຢ່າງໃນເຄືອຂ່າຍເພື່ອເກີດການອ້າງອີງໂດຍບໍ່ຊ້ໍາກັນ ຈະຕ້ອງສົ່ງຂໍ້ມູນໄດ້ຢ່າງຖືກຕ້ອງ ເລກຫມາຍດັ່ງກ່າວ ເອີ້ນວ່າ IP Address ເປັນຕົວເລກຫຼັກ 4 ຊຸດທີ່ຂັ້ນດ້ວຍຈຸດເຊັ່ນ 192.168.0.1 IP Address ປຽບເຫມືອນກັບເລກທີ່ບ້ານ ໂດຍເຮືອນ ແຕ່ລະຫຼັງ ຕ້ອງມີເລກທີ່ບ້ານໂດຍບໍ່ຊ້ໍາກັນຖ້າຊ້ໍາກັນແລ້ວບຸລຸດໄປສະນີ

ຄົງຈະສົ່ງຈົດຫມາຍບໍ່ຖຶກ, ສໍາລັບໃນ Home network ຂອງເຮົາຈະ ເລີ້ມກໍານົດ IP Address ເປັນ 192.168.0.2 ແບບນີ້ໄປເລື້ອຍໆແຕ່ ຕ້ອງບໍ່ເກີນ 192.168.0.254.

ນອກຈາກນີ້ຍັງມີເລື່ອງຂອງຄວາມໄວໃນການຕິດຕໍ່ສື່ສານແລະແລກປ່ຽນຂໍ້ມູນໃນປະຈຸບັນມີມາດຕະຖານທີ່ເອີ້ນວ່າ Fast Ethernet ຫົວ ໃຈຫຼັກຂອງ Fast Ethernet ກໍ່ຄືຄວາມໄວໃນການຮັບສົ່ງຂໍ້ມູນ 100 Mbps / ວິນາທີ ແລະຄວາມໄວຂະຫນາດ 1000 Mbps ຫຼື 1Gbps / ວິນາທີ ແລະ ອາດເຖິງ 10 Gbps ໃນອານາຄົດໄວໆນີ້.

ສໍາລັບ Home Network ທີ່ແນະນໍາໃຫ້ທ່ານຜູ້ອ່ານຮູ້ຈັກ ແລະ ຈະເລີ້ມລົງມືປະຕິບັດຕໍ່ໄປນີ້ຈະເປັນລະບົບ ແລນ(LAN)ແບບ Peer to Peer ໃຊ້ຮູບແບບການເຊື່ອມຕໍ່ແບບ Star ໂດຍໃຊ້ ສາຍ UTP ແລະ ອຸປະກອນເພີ້ມເຕີມຄື Hub ຫຼື ສະວິດ ແລະ ກໍານົດ IP Address ເລີ້ມຕັ້ງແຕ່ 192.168.0.1 ເປັນຕົ້ນໄປ IEEE (Institute of Electrical and Electronics Engineers) ແລະ EIA (Electronics Association) ເປັນຫນ່ວຍງານສາກົນທີ່ ມີຫນ້າທີ່ໃນການກໍານົດມາດຕະຖານຂອງການອອກແບບຜະລິດຕະພັນ Electronics ກໍານົດຮູບແບບ, ການສົ່ງສັນຍານ ຈະມີ Protocol ຢູ່ 3 ແບບດ້ວຍກັນຄື

ARCnet, Ethernt, Token Ring

► ARCnet ຫຼື Attached ARCnet Resource Computing Network

   ເປັນ Protocol ທີ່ອອກແບບໂດຍບໍລິສັດ Data Point ໃນຊ່ວງເວລາ ປີ ຄ.ສ 1977 ໃຊ້ຫຼັກການແບບ "Transmission Permission" ໃນການສົ່ງຂໍ້ມູນຈະມີການກໍານົດຕໍາແຫນ່ງ Address ຂອງເຄື່ອງ Workstation ລົງໄປນໍາຈະສາມາດເຊື່ອມຕໍ່ໄດ້ທັງແບບ Bus ແລະ Star ມີຄວາມໄວໃນການສົ່ງຂໍ້ມູນຄ່ອນຂ້າງນ້ອຍມີພຽງ 2.5 Kbps/ ວິນາທີ, ເຮັດໃຫ້ບໍ່ເປັນທີ່ນິຍົມໃຊ້.

Ethernet

ເປັນ Protocol ທີ່ອອກແບບໂດຍບໍລິສັດ Xerox ໃນຊ່ວງ ປີ ຄ.ສ 1970 ໃຊ້ຫຼັກການເຮັດວຽກແບບ CSMA/CD(Carrier Sense Multiple Access With Collision Detection) ໃນການ ສົ່ງເມວແຊໄປໃນສາຍສັນຍານຂອງລະບົບເຄືອຂ່າຍຖ້າຫາກມີການສົ່ງ ອອກມາພ້ອມກັນຍ່ອມຈະເກີດການຕໍາກັນ(Collision) ຂອງສັນຍານເຮັດໃຫ້ການສົ່ງສັນຍານຜ່ານຂໍ້ມູນຕ້ອງຢຸດລົງທັນທີ CSMA/CD ຈະ ໃຊ້ວິທີຂອງ Listen before-Transmiting ຄືກ່ອນຈະສົ່ງສັນຍານ ອອກໄປຈະຕ້ອງມີການກວດສອບວ່າຂະນະນັ້ນມີWorkstation ເຄື່ອງ ໃດເຮັດການຮັບສົ່ງເມວແຊໃນສາຍ Cable ຢູ່ຫຼືບໍ່? ຖ້າມີກໍ່ຕ້ອງຖ້າຈົນ ກວ່າສາຍ Cable ຫ່ວາງແລ້ວຈຶ່ງສົ່ງຂໍ້ມູນອອກໄປຕາມສາຍ Cable.

Token Ring

ເປັນ Protocol ອອກແບບໂດຍບໍລິສັດ IBM ໃຊ້ມາດຕະຖານຂອງ IEEE 802.5 ມີລະບົບການຕິດຕໍ່ແບບ Token Passing ສາມາດເຊື່ອມ ຕໍ່ໄດ້ທັງແບບ Ring ແລະ Star ມີຄວາມໄວໃນການຮັບສົ່ງຂໍ້ມູນ 4/16 Mbps ແລະຍັງເຊື່ອມຕໍ່ເຂົ້າໃນຮາດແວ ແລະ ຊອບແວຂອງເຄື່ອງເມນ ແຟຣມໄດ້ໂດຍຕົງ, ຈາກບັນຫາທີ່ເກີດການຕໍາກັນຂອງສັນຍານ(Collision) ເປັນເຫດໃຫ້ IBM ຫັນມາໃຊ້ສັນຍານ Token ເພື່ອຕິດຕໍ່ລະຫວ່າງໂມດ. ຂັ້ນຕອນການຮັບ-ສົ່ງຂໍ້ມູນແບບ Token -Passing Ring ມີດັ່ງນີ້

    ຊຸດຂໍ້ມູນ Token ຈະຖືກສົ່ງໃຫ້ແລ່ນໄປອ້ອມໆວົງແຫວນຂອງ Network ຖ້າມີ Workstation ເຄື່ອງໃດຕ້ອງການຈະສົ່ງຂໍ້ມູນກໍ່ຈະຕ້ອງຖ້າຈົນກວ່າ Token ນັ້ນຫວ່າງກ່ອນ.

ເມື່ອຮັບ Token ຫວ່າງມາແລ້ວ ກໍ່ຈະເຮັດການເຄື່ອນຍ້າຍຂໍ້ມູນຕໍ່ທ້າຍກັບ Token ນັ້ນແລ້ວສົ່ງຂໍ້ມູນໄປຫາປາຍທາງ.

Workstation ອື່ນໆ ຕ້ອງການຈະສົ່ງຜ່ານຂໍ້ມູນ ກໍ່ຈະຕ້ອງຖ້າຈົນກວ່າ Token ຈະຫວ່າງຈຶ່ງຈະສົ່ງຂໍ້ມູນໄດ້.