ພະຄຳພີແມ່ນຫຍັງ (ສຳຫລັບຄວາມເຊື່ອຄຣິດສຕຽນ)

 

ແຜນ­ການຂອງພະເຈົ້າ

 ຄຣິສຕຽນໂດຍທົ່ວໄປມັກຈະໃຊ້ຄຳວ່າ ພະຄຳພີ ເປັນຊື່ຫຍໍ້ ໝາຍເຖິງພຣະຄຣິສຕະທຳຄຳພີ ຊຶ່ງເປັນພະຄຳທີ່ສະ­ແດງໃຫ້ເຮົາເຫັນພະເຈົ້າ ແລະໃຫ້ເຮົາຮູ້­ຈັກແຜນ­ການຂອງພະອົງເລື່ອງມະ­ນຸດ ເມື່ອພະຄຳພີກ່າວເຖິງການຊົງເນ­ລະ­ມິດສ້າງໂລກ ແລະການທີ່ຄວາມບາບເຂົ້າມາໃນໂລກແລ້ວ ກໍເລີ່ມກ່າວເຖິງແຜນ­ການຂອງພະເຈົ້າ ໃນການຊ່ວຍມະ­ນຸດໃຫ້ລອດພົ້ນ ແລະໃຫ້ດຳ­ເນີນຊີ­ວິດໃນແນວ­ທາງຂອງພະອົງ ນີ້ເປັນເລື່ອງລາວຂອງພະຄຳພີຈົນເຖິງຈຸດຈົບທັງເຫລັ້ມ

 ພະເຈົ້າຊົງເລີ່ມປະ­ຕິ­ບັດແຜນ­ການ ໂດຍເລືອກເອົາຄົນໜຶ່ງ ຊື່ ອັບຣາຮາມ ເພື່ອຈະໃຫ້ເປັນຄົນຕົ້ນຕະ­ກູນຂອງຊົນຊາດໃຫຍ່ ຄືຊາດອິດສະຣາເອນ ພະເຈົ້າຊົງເລືອກຊາດອິດສະຣາເອນນີ້ໃຫ້ເປັນທາງທີ່ຈະຊົງສະ­ແດງພະອົງໃຫ້ແກ່ມະ­ນຸດທັງປວງ ພະອົງຊົງປະ­ທານທຳມະບັນ­ຍັດໃຫ້ຊົນຊາດນີ້ເພື່ອເປັນຫລັກປະ­ຕິ­ບັດ ທັງທາງຊີ­ວິດສ່ວນຕົວ ທາງສັງ­ຄົມ ແລະທາງສາດ­ສະ­ໜາ ພະປະ­ສົງຂອງພະເຈົ້າໃນທຳມະບັນ­ຍັດນີ້ຄື ເພື່ອຈະໃຫ້ມະ­ນຸດຮູ້ວ່າ ພະເຈົ້າເປັນຜູ້ບໍ­ລິ­ສຸດ ແຕ່ແລ້ວກໍປາ­ກົດວ່າມະ­ນຸດເປັນຄົນບາບ ທີ່ບໍ່ສາ­ມາດຖືຮັກ­ສາທຳມະບັນ­ຍັດໄດ້ ຈຶ່ງຕ້ອງເພີ່ງພາອາ­ໄສພະຄຸນຂອງພະເຈົ້າສະ­ເໝີ

 ພະເຈົ້າຊົງສະ­ແດງພະຄຸນນີ້ອອກຢ່າງເຕັມລົ້ນໂດຍທາງພະເຢຊູຄຣິດເຈົ້າ ຜູ້ຊົງຕາຍເທິງໄມ້ກາງແຂນ ເພື່ອເປັນການໄຖ່ໂທດໃຫ້ແກ່ມະ­ນຸດ ທີ່ເປັນຄົນບາບທຸກຄົນ

  ພະຄຳພີພາກທຳ­ອິດເອີ້ນວ່າ ພະຄຳພີເດີມ ເພາະກ່າວເຖິງສະ­ໄໝກ່ອນພະເຢຊູຄຣິດ ເປັນ­ຕົ້ນກ່າວເລື່ອງປະ­ຫວັດ­ສາດຂອງຊົນຊາດອິດສະຣາເອນຕັ້ງ­ແຕ່ສະ­ໄໝອັບຣາຮາມ (ກ່ອນ ຄ.ສ. 1900) ຈົນເຖິງສະ­ໄໝ ກ່ອນ ຄ.ສ. ປະ­ມານ 400 ປີ ພະຄຳພີເດີມນີ້ປະ­ກອບມີ 39 ເຫລັ້ມ ຊຶ່ງມີພະຄຳປະ­ຖົມມະການ ທຳມະບັນ­ຍັດ ບົດກອນ ສຸ­ພາ­ສິດ ຄຳເທດສະ­ໜາ ແລະເລື່ອງອື່ນໆ ເຫດ­ການທີ່ບັນ­ທຶກໄວ້ໃນພະຄຳພີເດີມ ສ່ວນຫລາຍເກີດຂຶ້ນໃນປະ­ເທດອິດສະຣາເອນ ປະ­ເທດເອຢິບ ປະ­ເທດຊີຣິ ແລະປະ­ເທດອື່ນໆ ແຖບພາກຕະເວັນຕົກຂອງທະ­ວີບ­ອາ­ຊີ

  ພາກຫລັງຂອງພະຄຳພີເອີ້ນວ່າພະຄຳພີໃໝ່ ຊຶ່ງກ່າວເຖິງວັນເວ­ລາຕັ້ງ­ແຕ່ພະເຢຊູປະ­ສູດຈົນເຖິງສະ­ໄໝ ຄ.ສ. 100 ພະຄຳພີໃໝ່ປະ­ກອບມີ 27 ເຫລັ້ມ ຊຶ່ງຕັ້ງ­ຕົ້ນໂດຍກ່າວເຖິງຊີ­ວິດຂອງພະເຢຊູກັບຄຣິສຕະຈັກສະ­ໄໝເລີ່ມຕົ້ນ ແລະຈາກນັ້ນໄດ້ລວບລວມຄຳສອນສຳ­ລັບຄຣິສຕຽນໂດຍທົ່ວໄປ ເຫດ­ການຂອງພະຄຳພີໃໝ່ສ່ວນຫລາຍໄດ້ເກີດຂຶ້ນໃນປະ­ເທດອິດສະຣາເອນ ຊີຣິ ຕຸຣກີ ເກຣັກ ແລະປະ­ເທດອື່ນໆ ແຖບຕະເວັນອອກຂອງທະ­ວີບເອີລົບ

ຫລາຍເຫລັ້ມລວມເປັນເຫລັ້ມດຽວ

   ເຖິງວ່າພະຄຳພີປະ­ກອບມີທັງໝົດ 66 ເຫລັ້ມ ແລະຜູ້ຂຽນມີປະ­ມານ 40 ຄົນທີ່ມີຊີ­ວິດຢູ່ຫລາຍຍຸກຫລາຍສະ­ໄໝ ແຕ່ຫົວ­ຂໍ້ແລະໃຈ­ຄວາມຕ່າງໆ ກໍ່ປະ­ສານກັນຢ່າງດີຍິ່ງ ພະຄຳພີເດີມແລະພະຄຳພີໃໝ່ເຂົ້າ­ກັນໄດ້ດີ ບໍ່ຄວນຖືວ່າພາກໜຶ່ງສັກ­ສິດຫລາຍກວ່າອີກພາກໜຶ່ງ ພະຄຳພີເດີມຕຽມທາງໄວ້ສຳ­ລັບພະຄຳພີໃໝ່ ຫລືຈະເວົ້າອີກໄນແງ່ໜຶ່ງວ່າ ຈຸດມຸ້ງໝາຍຂອງພະຄຳພີເດີມສຳ­ເລັດໃນພະຄຳພີໃໝ່ ທັງສອງພາກມີຫລາຍຂໍ້ທີ່ອ້າງເຖິງເລື່ອງຕ່າງໆ ໃນອີກພາກໜຶ່ງ ຍິ່ງມີຄວາມເຂົ້າ­ໃຈດີໃນພະຄຳພີເດີມ ກໍຍິ່ງເຮັດໃຫ້ພະຄຳພີໃໝ່ມີຄວາມຫມາຍຫລາຍຂຶ້ນ

   ທຳ­ອິດພະຄຳແຕ່ລະເຫລັ້ມໃນພະຄຳພີ ບໍ່ໄດ້ແບ່ງອອກເປັນບົດເປັນຂໍ້ຄືພະຄຳພີຂອງເຮົາສະ­ໄໝນີ້ ເຂົາເຮັດຂຶ້ນຕາມຫລັງເພື່ອຄວາມສະ­ດວກ ເມື່ອອ້າງເຖິງຂໍ້­ຄວາມໃນພະຄຳເຫລັ້ມໜຶ່ງເຫລັ້ມໃດ ກໍບໍ່ຕ້ອງເສຍເວ­ລາຄົ້ນຫາຫລາຍ ພຽງແຕ່ບອກວ່າເປັນບົດໃດ ຂໍ້ໃດ ແລ້ວຈະຫາໄດ້ສະ­ບາຍ ເຊັ່ນ ໂຢຮັນ 19:17-22 ໝາຍຄວາມວ່າ ພະຄຳ ໂຢຮັນ ບົດທີ່ 19 ຂໍ້ 17 ຈົນເຖິງ ຂໍ້ 22

ພຣະເຈົ້າອວຍພອນ

****************************