ພະເຈົ້າເປັນຜູ້ໃດ?
ພະເຈົ້າຊົງເປັນພະວິນຍານ ຜູ້ສະຖິດຢູ່ທົ່ວໄປໃນຜືນແຜ່ນດິນໂລກ ແລະ
ເທິງທ້ອງຟ້າຟ້າມະຫາສະຫວັນ ພະອົງຊົງພະຊົນຢູ່ນິລັນດອນ ພະເຈົ້າຊົງລິດທານະພາບຍິ່ງໃຫຍ່
ແລະພະອົງໄດ້ຊົງເນລະມິດສ້າງທຸກສິ່ງໃນໂລກ ແລະ ຈັກກະວານທັງປວງ ພະອົງຊົງຮູ້ຄວາມເປັນໄປໄນທໍາມະຊາດ
ພະອົງຊົງບໍາລຸງ ຊົງປົກຄອງ ແລະ ຊົ/ພິທັກຮັກສາໂລກ ແລະ ຈັກກະວານ
ດ້ວຍລິດອໍານາດຂອງພະອົງ.
ພະລັກສະນະຂອງພະເຈົ້າປະກອບດ້ວຍ
ຄວາມບໍລິສຸດ ຄວາມຊອບທໍາ ແລະ ຄວາມຍຸດຕິທໍາ ພະອົງຊົງເປັນພະເຈົ້າແຫ່ງຄວາມຮັກ
ພະອົງຊົງຮັກມະນຸດຫຼາຍ ເຖິງແມ່ນວ່າມະນຸດໄດ້ເຮັດຜິດ ໂດຍບໍ່ຍອມເຊື່ອຟັງ ແລະ
ປະຕິເສດພະອົງ ເຖິງປານນັ້ນ ພະອົງຍັງຊົງປະທານຄວາມຮັກຂອງພະອົງ ລົງມາໂດຍທາງພະເຢຊູຄຣິດ
ເພື່ອນໍາມະນຸດຊາດກັບຄືນມາຫາພະອົງອີກ.
ຈັກກະວານມີກົດທໍາມະຊາດ ຄອບຄຸມສັນໃດ ຄວາມສໍາພັນລະວ່າງທ່ານກັບພະເຈົ້າ
ກໍມີກົດຝ່າຍຈິດວິນຍານ ຄອບຄຸມສັນນັ້ນ
ຄວາມຈິງປະການທີ່ 1
ພະເຈົ້າຊົງຮັກທ່ານ ແລະ ຊົງມີແຜນການອັນປະເສີດສໍາຫຼັບຊີວິດຂອງທ່ານ.
( ຖ້າເປັນໄປໄດ້ ຂໍໃຫ້ທ່ານອ່ານຂໍ້ພະທໍາຕ່າງໆ
ທີ່ອ້າງໄວ້ໃນຫນັງສືເຫຼັ້ມນີ້ຈາກພະຄຣິສຕະທໍາຄໍາພີໂດຍກົງ)
ຄວາມຮັກຂອງພະເຈົ້າ
= ເພາະວ່າພະເຈົ້າຊົງຮັກໂລກ ຈົນໄດ້ປະທານພະບຸດອົງດຽວ ຂອງພະອົງເພື່ອທຸກຄົນທີ່ວາງໃຈເຊື່ອໃນພະບຸດນັ້ນຈະບໍ່ຈິບຫາຍ
ແຕ່ຈະມີຊີວິດອັນຕະຫລອດໄປເປັນນິດ = *ໂຢຮັນ 3:16 *
16 ເພາະວ່າພຣະເຈົ້າຊົງຮັກໂລກຈົນໄດ້ ປະທານພຣະບຸດອົງດຽວຂອງພຣະອົງ ເພື່ອທຸກຄົນທີ່ວາງໃຈເຊື່ອໃນພຣະບຸດນັ້ນຈະບໍ່ຈິບຫາຍ ແຕ່ມີຊີວິດອັນຕະຫລອດໄປເປັນນິດ.
ແຜນການຂອງພະເຈົ້າ
(ພະເຢຊູຄຣິດຊົງກ່າວວ່າ) “ເຮົາໄດ້ມາເພື່ອເຂົາຈະໄດ້ຊີວິດ
ແລະຈະໄດ້ຢ່າງຄົບບໍລິບູນ”
(ຄື ຊີວິດທີ່ອີ່ມເຕັມ ແລະ ມີຄວາມໝາຍ) “ໂຢຮັນ 10:10”
ແຕ່ດ້ວຍເຫດໃດ ຄົນສ່ວນຫຼາຍຈຶ່ງຍັງບໍ່ໄດ້ພົບກັບຊີວິດທີ່ຄົບບໍລິບຸນນີ້.
**************************
ຄວາມຈິງປະການທີ 2
ມະນຸດທຸກຄົນເປັນຄົນບາບ ແລະ ຖືກຕັດຂາດຈາກພະເຈົ້າ ດັ່ງນັ້ນ
ມະນຸດຈຶ່ງບໍ່ສາມາດຮູ້ ແລະ ຮັບຄວາມຮັກຂອງພະເຈົ້າ ແລະ
ແຜນການຂອງພະອົງສໍາຫຼັບຊີວິດຂອງເຂົາໄດ້.
ມະນຸດທຸກຄົນເປັນຄົນບາບ
“ດ້ວຍວ່າມະນຸດທຸກຄົນເປັນຄົນບາບ
ແລະ ຂາດຈາກພະລັດສະໝີຂອງພະເຈົ້າ”
ໂຣມ 3:23
23 ດ້ວຍວ່າທຸກຄົນໄດ້ເຮັດຜິດບາບ ແລະຂາດຈາກພຣະລັດສະໝີຂອງພຣະເຈົ້າ.
ໃນອາດິດພະເຈົ້າຊົງສ້າງມະນຸດໃຫ້ສາມັກຄີທໍາກັບພະອົງ
ແຕ່ເພາະຄວາມດື້ດ້ານຕາມໃຈປ່າຖະໜາຂອງຕົນເອງ ມະນຸດຈຶ່ງເລືອກດຳເນີນຊີວິດຢ່າງອິດສະຫຼະ
ດ້ວຍເຫດນີ້ຄວາມສາມັກຄີທໍາລະວ່າງມະນຸດ ກັບພະເຈົ້າຈຶ່ງຂາດລົງ ການເຮັດຕາມໃຈປາດຖະໜາຂອງມະນຸດນີ້ສະແດງອອກໂດຍ
ການປະຕິເສດທີ່ຈະເຊື່ອຟັງພະເຈົ້າ ແລະເສີຍເມີຍຕໍ່ພະອົງ ການກະທໍາເຊັ່ນນີ້ແຫຼະ
ທີ່ພະຄຣິສຕະທໍາຄໍາພີເອີ້ນວ່າ “ບາບ”
ມະນຸດຖືກຕັດຂາດຈາກພະເຈົ້າ
“ດ້ວຍວ່າຄ່າຈ້າງຂອງຄວາມຜິດບາບ
ຄື ຄວາມຕາຍ”
(ຈິດວິນຍານຖືກຕັດຂາດຈາກພະເຈົ້າ)
(ໂຣມ 6:23)
23ດ້ວຍວ່າຄ່າຈ້າງຂອງຄວາມຜິດບາບຄືຄວາມຕາຍ ແຕ່ຂອງພຣະລາຊະທານອັນໂຜດມາແຕ່ພຣະເຈົ້າ ກໍຄືຊີວິດອັນຕະຫລອດໄປເປັນນິດໃນພຣະຄຣິດ ຄືພຣະເຢຊູເຈົ້າຂອງພວກເຮົາ.
ຮູບນີ້ສະແດງໃຫ້ເຫັນວ່າ ພະເຈົ້າຊົງເປັນຜູ້ບໍລິສຸດ ແລະ
ມະນຸດຜູ້ເຕັມໄປດ້ວຍຄວາມຜິດບາບ ຈຶ່ງເໝືອນມີເຫວເລີກ ແລະ ກ້ວາງໃຫຍ່
ຂວາງກັ້ນລະຫວ່າງພະເຈົ້າກັບມະນຸດ ມະຫາສະແຫວງຫາທຸກວິທີທາງ
ເພື່ອຈະຂ້າມເຫວເລີກນີ້ຢູ່ເລື້ອຍມາ ້ພື່ອໄປສູ່ພະເຈົ້າ ແລະ ຮັບຊີວິດທີ່ຄົບບໍລິບູນ
ໂດຍການອາໃສສະຕິປັນຍາ ຄວາມສາມາດຂອງຕົນເອງ ເຊັ່ນ ບໍາເພັນຕົນເປັນຄົນດີ ມີສີນລະທໍາ ແລະ
ຢືດຖືຫລັກປັດສະຍາຕ່າງໆ ແຕ່ສິ່ງເຫລົ່ານີ້ບໍ່ສາມາດຊ່ວຍມະນຸດໃຫ້ພົ້ນຈາກບາບກໍາໄດ້
ຄວາມຈິງປະການທີສາມ ເປັນທາງດຽວເທົ່ານັ້ນ ທີ່ຈະແກ້ໄຂບັນຫາອັນຫຍຸ້ງຍາກນີ້ໄດ້.
***********************
ຄວາມຈິງປະການທີ 3
ໂດຍທາງພະເຢຊູຄຣິສເທົ່ານັ້ນ ທີ່ພະເຈົ້າຊົງຈັດຕຽມໄວ້ເພື່ອຊໍາລະລ້າງຄວາມຜິດບາບຂອງມະນຸດ
ໂດຍທາງພະອົງ
ທ່ານຈະສາມາດຮູ້ແລະພົບກັບຄວາມຮັກຂອງພະເຈົ້າແລະແຜນການຂອງພະອົງສໍາຫຼັບຊີວິດຂອງທ່ານໄດ້
ພະອົງຊົງຕາຍແທນເຮົາ
ແຕ່ຝ່າຍພະເຈົ້າຊົງສໍາແດງຄວາມຮັກຂອງພະອົງ ແກ່ເຮົາທັງຫຼາຍ ຄື
ຂະນະທີ່ເຮົາຍັງເປັນຄົນຜິດບາບຢູ່ນັ້ນ ພຣະຄຣິດໄດ້ຊົງຍອມສີ້ນພະຊົນແທນເຮົາທັງຫຼາຍ (ໂຣມ5:8)
8ແຕ່ຝ່າຍພຣະເຈົ້າຊົງສະແດງຄວາມຮັກຂອງພຣະອົງແກ່ເຮົາທັງຫລາຍ ຄືຂະນະທີ່ພວກເຮົາຍັງເປັນຄົນຜິດບາບຢູ່ນັ້ນ ພຣະຄຣິດໄດ້ຊົງຍອມສິ້ນພຣະຊົນແທນເຮົາທັງຫລາຍ.
ພະອົງຊົງຄືນມາຈາກຄວາມຕາຍ
“ພະຄຣິດຊົງວາຍພະຊົນແທນຄວາມຜິດບາບຂອງເຮົາທັງຫຼາຍ
ຕາມທີ່ຂຽນໄວ້ໃນພະຄໍາພີ ແລະ ຊົງຖືກວາງໄວ້ ແລ້ວວັນຖ້ວນສາມໄດ້ຖືກຊົງບັນດານໃຫ້ຄືນມາ
ຕາມທີ່ຂຽນໄວ້ໃນພະຄໍ່ພີນັ້ນ ພະອົງຊົງປາກົດແກ່ເກຟາ ແລ້ວແກ່ພວກສິບສອງຄົນນັ້ນ
ຕໍາມາພະອົງໄດຊົງປາກົດແກ່ພວກພີ່ນ້ອງກ່ວາຫ້າຮ້ອຍຄົນໃນຄາວດຽວ” (ໂກຣິນໂທ 15:3-6)
3 ເລື່ອງທີ່ເຮົາໄດ້ຮັບໄວ້ແລ້ວນັ້ນ ເຮົາໄດ້ມອບໄວ້ແກ່ເຈົ້າທັງຫລາຍເປັນເລື່ອງສຳຄັນທີ່ສຸດຄືວ່າ ພຣະຄຣິດຊົງວາຍພຣະຊົນແທນຄວາມຜິດບາບຂອງເຮົາທັງຫລາຍຕາມທີ່ຂຽນໄວ້ໃນພຣະຄຳພີ. 4 ແລະຊົງຖືກວາງໄວ້ ແລ້ວວັນຖ້ວນສາມໄດ້ຖືກຊົງບັນດານໃຫ້ຄືນຂຶ້ນມາ ຕາມທີ່ຂຽນໄວ້ໃນພຣະຄຳພີນັ້ນ. 5 ພຣະອົງຊົງປະກົດ ແກ່ເກຟາ ແລ້ວແກ່ພວກສິບສອງຄົນນັ້ນ. 6 ຕໍ່ມາພຣະອົງໄດ້ຊົງປະກົດແກ່ພວກພີ່ນ້ອງກວ່າຫ້າຮ້ອຍຄົນໃນຄາວດຽວ ຊຶ່ງສ່ວນຫລາຍຍັງເປັນຢູ່ຈົນເຖິງທຸກວັນນີ້ ແຕ່ບາງຄົນກໍລ່ວງລັບໄປແລ້ວ.
ພະເຢຊູຊົງເປັນທາງດຽວເທົ່ານັ້ນ ໄປເຖິງພະເຈົ້າ
“ພະເຢຊູຊົງຕອບລາວວ່າ
” “ເຮົານີ້ແຫຼະ
ເປັນທາງນັ້ນ ເປັນຄວາມຈິງ ແລະ ເປັນຊີວິດ ບໍ່ມີຜູ້ໃດມາເຖິງພະບິດາໄດ້ນອກຈາກມາທາງເຮົາ” ໂຢຮັນ 14:6
6 ພຣະເຢຊູຊົງຕອບລາວວ່າ, “ເຮົານີ້ແຫລະ, ເປັນທາງນັ້ນ, ເປັນຄວາມຈິງ, ແລະ ເປັນຊີວິດ ບໍ່ມີຜູ້ໃດມາເຖິງພຣະບິດາໄດ້ນອກຈາກຈະມາທາງເຮົາ.
ຮູບນີ້ສະແດງໃຫ້ເຮົາເຫັນວ່າ ພະເຈົ້າຊົງສ້າງຂົວຂ້າມເຫວເລີກທີ່ຂວາງກັ້ນ
ລະຫວ່າງພະອົງກັບມະນຸດ ໂດຍການສົ່ງພະເຢຊູຄຣິດ ພະບຸດຂອງພະອົງ
ໃຫ້ລົງມາສີ້ນພະຊົນເທິງໄມ້ກາງເຂນແທນເຮົາ.
ການຮູ້ຈັກແຕ່ພຽງຄວາມຈິງສາມປະການນີ້ເທົ່ານັ້ນ ຍັງບໍ່ເປັນການພຽງພໍ..
**********************
ຄວາມຈິງປະການທີ 4
ເຮົາຈໍາເປັນຕ້ອງຮັບເອົາພະເຢຊູຄຣິດດ້ວຍຕົນເອງ ຮັບພະອົງມາເປັນພະຜູ້ໂຜດໃຫ້ພົ້ນ
ແລະ ເປັນນາຍໃນຊີວິດຂອງເຮົາ ແລ້ວເຮົາຈິ່ງຈະສາມາດຮູ້ເຖິງຄວາມຮັກ ແລະ
ແຜນການຂອງພະເຈົ້າສໍາຫຼັບຊີວິດເຮົາໄດ້
ເຮົາຕ້ອງຮັບເອົາພະເຢຊູຄຣິດ
“ແຕ່ສວນບັນດາຜູ້ທີ່ຕ້ອນຮັບພະອົງ
ຄືຜູ້ທີ່ເຊື່ອໃນພະນາມຂອງພະອົງ ພະອົງກໍຊົງປະທານສິດໃຫ້ຫາຍເປັນບຸດຂອງພະເຈົ້າ” (ໂຢຮັນ 1:12)
12 ແຕ່ສ່ວນບັນດາຜູ້ທີ່ຕ້ອນຮັບພຣະອົງ ຄືຜູ້ທີ່ເຊື່ອໃນພຣະນາມຂອງພຣະອົງ ພຣະອົງກໍຊົງປະທານສິດໃຫ້ກາຍເປັນບຸດຂອງພຣະເຈົ້າ.
ເຮົາຮັບເອົາພະເຢຊູໂດຍຄວາມເຊື່ອ
“ດ້ວຍວ່າຊື່ງທ່ານທັງຫລາຍໄດ້ຖືກຊົງໂຜດໃຫ້ພົ້ນນັ້ນ
ກໍຍ້ອນພະຄຸນ ດ້ວຍທາງຄວາມເຊື່ອສິ່ງເຫຼົ່ານີ້ບໍ່ໃຊ່ພວກທ່ານເຮັດເອົາເອງ
ແຕ່ພະເຈົ້າຊົງປະທານໃຫ້ ຄວາມພົ້ນນັ້ນບໍ່ໃຊ່ມີມາຍ້ອນການປະຕິບັດ
ເພື່ອບໍ່ໃຫ້ຄົນໜຶ່ງຄົນໃດອວໃດ້”
(ເອເຟໂຊ 2:8-9)
8 ດ້ວຍວ່າຊຶ່ງທ່ານທັງຫລາຍໄດ້ຖືກຊົງໂຜດໃຫ້ພົ້ນນັ້ນ ກໍຍ້ອນພຣະຄຸນດ້ວຍທາງຄວາມເຊື່ອ ສິ່ງເຫລົ່ານີ້ບໍ່ໃຊ່ພວກທ່ານເຮັດເອົາເອງ ແຕ່ພຣະເຈົ້າຊົງປະທານໃຫ້. 9 ຄວາມພົ້ນນັ້ນບໍ່ແມ່ນມີມາຍ້ອນການປະຕິບັດ ເພື່ອບໍ່ໃຫ້ຄົນໜຶ່ງຄົນໃດອວດໄດ້.
ເມື່ອເຮົາຕ້ອນຮັບພະເຢຊູ ເຮົາຈະໄດ້ຮັບປະສົບການໃນການບັງເກີດໃຫມ່ “ອ່ານ ໂຢຮັນ 3:1-8”
1 ມີຊາຍຄົນໜຶ່ງໃນພວກຟາຣີຊາຍຊື່ນີໂກເດມ ເປັນເຈົ້ານາຍຂອງພວກຢິວ. 2 ຜູ້ນີ້ໄດ້ມາຫາພຣະເຢຊູໃນເວລາກາງຄືນທູນພຣະອົງວ່າ, “ອາຈານເອີຍ, ພວກຂ້ານ້ອຍຊາບຢູ່ວ່າທ່ານເປັນຄູທີ່ມາຈາກພຣະເຈົ້າ ເພາະບໍ່ມີຜູ້ໃດອາດເຮັດໝາຍສຳຄັນທີ່ທ່ານເຮັດຢູ່ນັ້ນ ເວັ້ນແຕ່ພຣະເຈົ້າຊົງສະຖິດຢູ່ນຳ.” 3 ພຣະເຢຊູຊົງຕອບວ່າ, “ເຮົາບອກທ່ານຕາມຄວາມຈິງວ່າຖ້າຜູ້ໃດບໍ່ບັງເກີດມາໃໝ່ ຜູ້ນັ້ນຈະເຫັນລາຊະແຜ່ນດິນຂອງພຣະເຈົ້າບໍ່ໄດ້.” 4 ນີໂກເດມທູນພຣະອົງວ່າ, “ຄົນເຖົ້າແລ້ວຈະບັງເກີດໄດ້ຢ່າງໃດ ຈະເຂົ້າໃນທ້ອງແມ່ຂອງຕົນເທື່ອທີ່ສອງແລ້ວເກີດມາໄດ້ຫລື.”
5 ພຣະເຢຊູຊົງຕອບວ່າ, “ເຮົາບອກທ່ານຕາມຄວາມຈິງວ່າ ຖ້າຜູ້ໃດບໍ່ໄດ້ບັງເກີດມາຈາກນ້ຳແລະຈາກພຣະວິນຍານ ຜູ້ນັ້ນຈະເຂົ້າໃນລາຊະແຜ່ນດິນຂອງພຣະເຈົ້າບໍ່ໄດ້. 6 ຊຶ່ງບັງເກີດຈາກເນື້ອກາຍກໍເປັນເນື້ອກາຍ ແລະຊຶ່ງບັງເກີດຈາກພຣະວິນຍານກໍເປັນວິນຍານ. 7 ຢ່າປະຫລາດໃຈທີ່ເຮົາບອກທ່ານວ່າ ທ່ານທັງຫລາຍຈຳເປັນຕ້ອງບັງເກີດມາໃໝ່. 8 ລົມຢາກພັດໄປທິດໃດກໍພັດໄປທິດນັ້ນ ແລະທ່ານໄດ້ຍິນສຽງມັນ ແຕ່ທ່ານບໍ່ຮູ້ວ່າມັນມາແຕ່ໃສຫລືໄປໃສ ທຸກຄົນທີ່ບັງເກີດຈາກພຣະວິນຍານກໍເປັນດັ່ງນັ້ນແຫລະ.”
ພະເຢຊູຄຣິດຊົງເຊີນເຮົາເປັນສ່ວນບຸກຄົນ
(ພະເຢຊູຊົງບອກວ່າ) “ນີ້ແຫຼະເຮົາຢືນເຄາະຢູ່ທີ່ປະຕູ
ຖ້າຜູ້ໃດໄດ້ຍິນສຽງຂອງເຮົາ ແລະໄຂປະຕູເຮົາຈະເຂົ້າໄປຫາຜູ້ນັ້ນ” (ພະນິມິດ 3:20)
20 ເບິ່ງແມ, ເຮົາຢືນເຄາະຢູ່ທີ່ປະຕູ ຖ້າຜູ້ໃດໄດ້ຍິນສຽງຂອງເຮົາແລະໄຂປະຕູ ເຮົາຈະເຂົ້າໄປຫາຜູ້ນັ້ນ ເຮົາຈະຮັບປະທານອາຫານຮ່ວມກັບຜູ້ນັ້ນ ແລະຜູ້ນັ້ນຈະຮັບປະທານອາຫານຮ່ວມກັບເຮົາ.
ການຮັບເອົາພະເຢຊູຄຣິດ ແມ່ນການຍອມຖີ້ມບາບກໍາຂອງຕົນແລ້ວຫັນໄປຫາພະເຈົ້າ
ໄວ້ວາງໃຈໃນພະເຢຊູ ຍອມຮັບເອົາພະອົງເຂົ້າໃນຊີວິດຂອງເຮົາເພື່ອວ່າ
ພະອົງຈະໄດ້ຍົກໂທດໃຫ້ແກ່ເຮົາ ແລ້ວເຮັດໃຫ້ເຮົາພໍໃຈພະອົງ
ການເຊື່ອຫຼືເຂົ້າໃຈໃນຂໍ້ອ້າງຂອງພະເຢຊູໂດຍການພິຈາລະນາດ້ວຍສະຕິປັນຍາ ຫຼື
ມີຄວາມຮູ້ສຶກທາງອາລົມເທົ່ານັ້ນ ຍັງບໍ່ເປັນການພຽງພໍ
ວົງມົນທັງສອງນີ້ ສະແດງໃຫ້ເຫັນເຖິງຊີວິດສອງຢ່າງ
ທ່ານຄິດວ່າ: ວົງມົນໃດ ເປັນເໝືອນສະພານຊີວິດຂອງທ່ານ ໃນຂະນະນີ້? ທ່ານຕ້ອງການໃຫ້ຊີວິດຂອງທ່ານ ເປັນເໝືອນວົງມົນໃດ?
ຕໍ່ໄປນີ້ຄືຄຳອະທິບາຍວ່າທ່ານຈະຮັບເອົາພະເຢຊູຄຣິດໄດ້ຢ່າງໃດ
ທ່ານສາມາດຮັບເອົາພະຄຣິດໄດ້ ຕັ້ງແຕ່ບັດນີ້ໂດຍການອະທິຖານ
(ການອະທິຖານ ຄືການສົນທະນາກັບພະເຈົ້າ)
ພະເຈົ້າຊົງຮູ້ຈິດໃຈຂອງທ່ານ ພະອົງຊົງບໍ່ໄດ້ຊົງສົນພະໄທກັບຖ້ອຍຄໍາທີ່ທ່ານອະທິຖານ
ແຕ່ຊົງພະໄທນໍາຄວາມຈິງໃຈຂອງທ່ານຫຼາຍກ່ວາ ຕໍ່ໄປນີ້ ຄືຕົວຢ່າງຄໍາອະທິຖານດ້ວຍຄວາມເຊື່ອ
ຊຶ້ງຈະແນະນໍາໃຫ້ແກ່ທ່ານ
“ຂ້າແດ່ພະເຢຊູຄຣິດເຈົ້າ
ຂ້ານ້ອຍປາຖະໜາພະອົງດ້ວຍສຸດໃຈ ຂອບພະຄົນພະອົງທີ່ຊົງສີ້ນພະຊົນເທິງໄມ້ກາງແຂນ
ແທນບາບຂອງຂ້ານ້ອຍ ຂ້ານ້ອຍຂໍເປີດປະຕູຊີວິດ ຕ້ອນຮັບພະອົງເປັນພະຜູ້ໂພດໃຫ້ພົ້ນ ແລະ
ເປັນອົງພະຜູ້ເປັນເຈົ້າຂອງຂ້ານ້ອຍ ຂໍຂອບພະຄຸນພະອົງທີ່ຊົງອະໄພໂທດຄວາມຜິດບາບ ແລະ
ປະທານຊີວິດນິລັນດອນແກ່ຂ້ານ້ອຍ ໂປດຄອບຄອງບັນລັງຊີວິດຂອງຂ້ານ້ອຍ ແລະ
ຊົງຊ່ວຍຂ້ານ້ອຍໃຫ້ດຳເນີນຊີວິດຕາມພະປະສົງຂອງພະອົງເທີ້ນ” !ອາແມນ!
ຄໍາອະທິຖານນີ້ ກົງກັບໃຈປາດຖະໜາຂອງທ່ານຫຼືບໍ່? ຫາກຄໍາອະທິຖານນີ້ກົງ
ຂໍໃຫ້ອະທິຖານໃນເວລານີ້
ແລ້ວພະເຢຊູຄຣິດຈະສະເດັດເຂົ້າມາປະທັບໃນຊີວິດຂອງທ່ານຕາມທີ່ພະອົງຊົງສັນຍາໄວ.
ວິທີທີ່ຈະຮູ້ວ່າພະເຢຊູຄຣິດໄດ້ປະທັບຢູ່ໃນຊີວິດຈິດໃຈຂອງທ່ານ
ເມື່ອທ່ານອະທິຖານ ທ່ານໄດ້ທູນຂໍໃຫ້ພະເຢຊູຄຣິດສະເດັດເຂົ້າມາປະທັບໃນຊີວິດຂອງທ່ານ
ແລ້ວຫຼືຍັງ? ຕາມພະສັນຍາຂອງພະເຢຊູຄຣິດທີ່ຂຽນໄວ້ ໃນພະຄໍາ ພະນິມິດ 3:20 ນັ້ນ
ດຽວນີ້ພະອົງປະທັບຢູ່ໃສໃນຊີວິດທ່ານ? ເມື່ອພະເຢຊູຄຣິດຊົງກ່າວວ່າ
ພະອົງຈະສະເດັດເຂົ້າມາປະທັບໃນຊີວິດຂອງທ່ານ ພະອົງຈະຊົງກ່າວຫຼອກລວງທ່ານຫຼືບໍ?
ທ່ານຮູ້ໃດ້ຢ່າງໃດວ່າ ພະເຈົ້າຊົງຕອບຄຳອະທິຖານຂອງທ່ານແລ້ວ?
(ຮູ້ໄດ້ໂດຍພະເຈົ້າຜູ້ຊົງຄວາມສັດຊື່ ແລະ ໂດຍພະທໍາຂອງພະອົງ
ພະອົງຊົງຮັກສາພະສັນຍາຂອງພະອົງສະເໝີ)
------------------------
ພະນິມິດ 3:20 20 ເບິ່ງແມ, ເຮົາຢືນເຄາະຢູ່ທີ່ປະຕູ ຖ້າຜູ້ໃດໄດ້ຍິນສຽງຂອງເຮົາແລະໄຂປະຕູ ເຮົາຈະເຂົ້າໄປຫາຜູ້ນັ້ນ ເຮົາຈະຮັບປະທານອາຫານຮ່ວມກັບຜູ້ນັ້ນ ແລະຜູ້ນັ້ນຈະຮັບປະທານອາຫານຮ່ວມກັບເຮົາ.
------------------------
ພະຄຣິດຕະທໍາຄໍາພີສັນຍາວ່າ ຜູ້ໃດທີ່ຍອມຮັບເອົາພະເຢຊູຄຣິດ
ຜູ້ນັ້ນຈະໄດ້ຮັບຊີວິດອັນຕະຫຼອດໄປເປັນນິດ
“ນີ້ແຫຼະ” ເປັນພະຍານຫຼັກຖານນັ້ນ ຄືວ່າ
ພະເຈົ້າໄດ້ຊົງໂຜດປະທານຊີວິດອັນຕະຫຼອດໄປເປັນນິດໃຫ້ເຮົາທັງຫຼາຍ
ແລະຊີວິດນີ້ມີຢູ່ໃນພະບຸດຂອງພະອົງ ຜູ້ທີ່ມີພະບຸດກໍມີຊີວິດ
ຜູ້ທີ່ບໍ່ມີພະບຸດຂອງພະເຈົ້າກໍບໍ່ມີຊີວິດ ຂໍ້ຄວາມເຫຼົ່ານີ້
ເຮົາຂຽນມາເຖິງເຈົ້າທັງຫຼາຍທີ່ເຊື່ອໃນພະນາມພະບຸດຂອງພະເຈົ້າ
ເພື່ອເຈົ້າທັງຫຼາຍຈະໄດ້ຮູ້ວ່າ ພວກເຈົ້າມີຊີວິດອັນຕະຫຼອດໄປເປັນນິດ (1ໂຢຮັນ 5:11-13)
11 ນີ້ແຫລະ, ເປັນພະຍານຫລັກຖານນັ້ນ ຄືວ່າພຣະເຈົ້າໄດ້ຊົງໂຜດປະທານຊີວິດອັນຕະຫລອດໄປເປັນນິດໃຫ້ເຮົາທັງຫລາຍ ແລະຊີວິດນີ້ມີຢູ່ໃນພຣະບຸດຂອງພຣະອົງ. 12 ຜູ້ທີ່ມີພຣະບຸດກໍມີຊີວິດ ຜູ້ທີ່ບໍ່ມີພຣະບຸດຂອງພຣະເຈົ້າກໍບໍ່ມີຊີວິດ.13 ຂໍ້ຄວາມເຫລົ່ານີ້ ເຮົາຂຽນມາເຖິງເຈົ້າທັງຫລາຍທີ່ເຊື່ອໃນພຣະນາມພຣະບຸດຂອງພຣະເຈົ້າ ເພື່ອເຈົ້າທັງຫລາຍຈະໄດ້ຮູ້ວ່າພວກເຈົ້າມີຊີວິດອັນຕະຫລອດໄປເປັນນິດ.
ຈົ່ງຂອບພະຄຸນພະເຈົ້າຢູ່ສະເໝີ ທີ່ພະຄຣິດໄດປະທັບຢູ່ໃນຊີວິດຂອງທ່ານ
ແລະພະອົງຈະບໍ່ປະຖີ້ມທ່ານ (ເຮັບເຣີ 13:5) ທ່ານສາມາດທີ່ຈະຮູ້ໄດ້ວ່າ
ພະເຢຊູຄຣິດຜູ້ຊົງມີຊີວິດຢູ່ກໍສະຖິດຢູ່ໃນທ່ານ ແລະ ທ່ານມີຊີວິດອັນຕະຫຼອດໄປເປັນນິດ
ຕັ້ງແຕ່ວິນາທີທີ່ທ່ານໄດ້ທູນເຊີນພະອົງໃຫ້ສະເດັດເຂົ້າມາປະທັບໃນຊີວິດຂອງທ່ານ
ຕາມພະສັນຍາຂອງພະອົງ ພະອົງຈະບໍ່ຊົງຫຼອກລວງທ່ານເປັນອັນຂາດ.
5 ຈົ່ງໃຫ້ການດຳເນີນຊີວິດຂອງທ່ານເວັ້ນຈາກການຮັກເງິນຮັກຄຳ ຈົ່ງພໍໃຈໃນສິ່ງທີ່ຕົນມີຢູ່ ເພາະພຣະເຈົ້າເອງຊົງກ່າວໄວ້ວ່າ, “ເຮົາຈະບໍ່ປະເຈົ້າ ຫລືຖິ້ມເຈົ້າເສຍຈັກເທື່ອ.”
ຕໍ່ໄປນີ້ເປັນຄໍາແນະນໍາໃນການດຳເນີນຊີວິດຄຣິສຕຽນ ສ່ວນຄວາມຮູ້ສຶກເປັນຢ່າງໃດ...
ຢ່າເພິ່ງຄວາມຮູ້ສືກ
ໜ້າທີ່ຂອງເຮົາ ຄືຕ້ອງຢຶດໝັ້ນໃນພະສັນຍາຂອງພະເຈົ້າເປັນຫຼັກ
ບໍ່ແມ່ນຖືເອົາຄວາມຮູ້ສຶກຂອງເຮົາເປັນຫຼັກ ຄຣິສຕຽນດໍາລົງຊີວິດໂດຍຄວາມເຊື່ອ
(ໄວ້ວາງໃນໃນພະເຈົ້າ ແລະພະຄໍາຂອງພະອົງ) ຮູບພາບລົດໄຟນີ້ສະແດງໃຫ້ເຫັນເຖິງ
ຄວາມສໍາພັນລະຫວ່າງ ຄວາມຈິງ (ພະເຈົ້າ ແລະ ພະຄໍາຂອງພະອົງ) ຄວາມເຊື່ອ
(ຄວາມໄວ້ວາງໃຈໃນພະເຈົ້າ ແລະພະສັນຍາ ຂອງພະອົງ ) ແລະຄວາມຮູ້ສຶກ ( ຜົນຂອງຄວາມເຊື່ອ
ແລະ ການເຊື່ອຟັງ ) ໂຢຮັນ 14:21
21 ຜູ້ທີ່ມີຂໍ້ບັນຍັດຂອງເຮົາແລະຖືຂໍ້ບັນຍັດນັ້ນ ຜູ້ນັ້ນແຫລະ, ເປັນຜູ້ທີ່ຮັກເຮົາ ແລ້ວຜູ້ທີ່ຮັກເຮົາພຣະບິດາຂອງເຮົາຈະຊົງຮັກຜູ້ນັ້ນ ແລະຝ່າຍເຮົາຈະຮັກຜູ້ນັ້ນ ພ້ອມທັງຈະສະແດງຕົວເຮົາໃຫ້ແກ່ຜູ້ນັ້ນ.”
ບໍ່ວ່າຈະມີຕູ້ໂດຍສານຫລືບໍ່ກໍຕາມ ລົດໄຟກໍຍ່ອມແລ່ນໄປໄດ້ສະເໝີ
ເພາະຕູ້ຜູ້ໂດຍສານນັ້ນບໍ່ໄດ້ຊ່ວຍໃນການແກ່ລົດໄຟໃຫ້ເຄື່ອນທີ່ແຕ່ຢ່າງໃດ
ຊີວິດຄຣີສຕຽນກໍທໍານອງດຽວກັນນັ້ນ ຄືເຮົາບໍ່ຈໍາເປັນຕ້ອງເພື່ງຄວາມຮູ້ສຶກ ຫຼື
ຖືເອົາອາລົມເປັນຫຼັກເກນແຕ່ຢ່າງໃດ ແຕ່ວ່າຕ້ອງເຊື່ອ (ໄວ້ວາງໃຈ) ໃນພະເຈົ້າ ແລະ
ພະສັນຍາຂອງພະອົງ
ເມື່ອທ່ານຮັບເອົາພະເຢຊູຄຣິດເຈົ້າແລ້ວ
ໃນທັນທີທີ່ທ່ານຮັບເອົາພະເຢຊູຄຣິດໂດຍຄວາມເຊື່ອນັ້ນ ມີຫຼາຍສິ່ງຫຼາຍຢ່າງໄດ້ບັງເກີດຂື້ນໃນຊີວິດຂອງທ່ານ
ລວມທັງສິ່ງທີ່ຈະກ່າວຕໍ່ໄປນີ້ດ້ວຍ:
1. 1, ພະຄຣິດໄດ້ສະເດັດເຂົ້າມາປະທັບໃນຊີວິດຂອງທ່ານແລ້ວ (ພະນິມິດ3:20: ໂກໂລຊາຍ 1:27)
2. 2, ທ່ານໄດ້ຮັບການອະໄພໂທດບາບແລ້ວ (ໂກໂລຊາຍ 1:14)
3. 3, ທ່ານໄດ້ກາຍເປັນບຸດຂອງພະເຈົ້າແລ້ວ (ໂຢຮັນ 1:12)
4. 4, ທ່ານເລີ້ມປະເຊີນຊີວິດທີ່ຕື່ນເຕັ້ນ ຕາມທີ່ພະເຈົ້າໄດ້ມີແຜນການໄວ້ ໃຫ້ແກ່ທ່ານແລ້ວ (ໂຢຮັນ 10:10; 2 ໂກຣິນໂທ 5:17; 1ເທຊະໂລນິກ 5:18 )
5. 5, ທ່ານໄດ້ຮັບຊີວິດອັນຕະຫຼອດໄປເປັນນິດແລ້ວ (ໂຢຮັນ 5:24)
ທ່ານລອງຄິດເບີ່ງວ່າ
ມືອັນໃດທີ່ປະເສິດຍິ່ງໄປກ່ວາການຮັບເອົາພະຄຣິດ ທ່ານຢາກຈະອະທິຖານຂອງພະຄຸນພະເຈົ້າ
ສໍາຫຼັບສິ່ງທີ່ພະອົງຊົງກະທໍາເພື່ອທ່ານດຽວນີ້ບໍ? ການຂອບພະຄຸນພະເຈົ້າເປັນການສະແດງເຖິງຄວາມເຊື່ອທີ່ມີຕໍ່ພະອົງ.
ຄໍາແນະນຳໃນການປະຕິບັດເພື່ອໃຫ້ຊີວິດຄຣິສຕຽນຂອງທ່ານຈະເລີນຂື້ນ
ຄວາມເຊື່ອຈະເລິນຝ່າຍຈິດວິນຍານຈິດ ກໍເນື່ອມາຈາກການເຊື່ອ ແລະ ໄວວາງໃຈໃນພະເຢຊູຄຣິດ “ຜູ້ທີ່ຊົງຖືວ່າເປັນຄົນຊອບທໍາເພາະດ້ວຍຄວາມເຊື່ອ” ( ຄາລາເຕຍ 3:11 )
11 ເປັນທີ່ຮູ້ແຈ້ງແລ້ວວ່າ ບໍ່ມີມະນຸດຄົນໃດທີ່ຊົງຖືວ່າເປັນຄົນຊອບທຳຕໍ່ພຣະພັກພຣະເຈົ້າໂດຍການປະຕິບັດພຣະບັນຍັດ ເພາະວ່າ “ຜູ້ທີ່ຊົງຖືວ່າເປັນຄົນຊອບທຳເພາະດ້ວຍຄວາມເຊື່ອ ຜູ້ນັ້ນແຫລະ, ຈະໄດ້ຊີວິດ” ການດໍາເນີນຊີວິດໂດຍຄວາມເຊື່ອ ຈະຊ່ວຍໃຫ້ທ່ານໄວ້ວາງໃຈພະເຈົ້າ ໃນທຸກດ້ານຫຼາຍຂື້ນເປັນສໍາລັບ ແລະ ເຮັດໃຫ້ທ່ານປະຕິບັດຕາມຂໍ້ແນະນໍາ 6 ອ ຕໍ່ໄປນີ້ໄດ້:
1. 1. ອະທິຖານເຂົ້າເຝົ້າພະເຈົ້າເປັນປະຈໍາທຸກວັນ (ໂຢຮັນ 15:7)
2. 2. ອ່ານພະຄໍາພີທຸກວັນ (ກິດຈະການ 17:11) ເລີ້ມດ້ວຍພະທໍາໂຢຮັນ
3. 3. ອ່ອນນ້ອມເຊື່ອຟັງພະເຈົ້າທຸກລົມຫາຍໃຈ ( ໂຢຮັນ 14:21)
4. 4. ອອກໄປເປັນພະຍານ ເພື່ອພະເຢຊູຄິດ ດ້ວຍຊີວິດ ແລະວາຈາ (ມັດທາຍ4:19; ໂຢຮັນ 15:8)
5 5. ອ້າງເອົາພະເຈົ້າ ເປັນທີ່ເພີ່ງໃນທຸກດ້ານຂອງຊີວິດ (1ເປໂຕ5:7)
6 6. ເອົາພະວິນຍານບໍລິສຸດ ເປັນຜູ້ນໍາພາຊີວິດ ແລະ ປະທານພະລັງ ອໍານາດໃນການດໍາເນີນຊີວິດປະຈໍາວັນຂອງທ່ານ ແລະ ໃນການເປັນພະຍານ (ຄາລາເຕຍ 5:16, 17; ກິດຈະການ 1:8)
ຄວາມສໍາຄັນຂອງການເປັນສະມາຊິກໃນຄຣິສຕະຈັກ
ພະເຈົ້າໄດ້ຊົງເຕືອນໄວ້ໃນພະຄໍາ ເຮັບເຣີ10:25 ວ່າ “ຢ່າປະການປະຊຸມ” ຖ່ານຕິດໄຟຢູ່ຮ່ວມກັນຍ່ຶມໃຫ້ຄວາມຮ້ອນ
ແຕ່ຖ້າແຍກເອົາຖ່ານແຕ່ລະກ້ອນອອກຈາກເຕົາໄຟ ໃນບໍ່ຊ້າຖ່ານແຕ່ລະກ້ອນຈະດັບລົງ
ທໍານອງດຽວກັນ ຄວາມສໍາພັນລະຫວ່າງທ່ານກັບຄຣິສຕຽນທັງຫຼາຍກໍເປັນສັນນັ້ນ
ຖ້າທ່ານຍັງບໍ່ທັນໄດ້ເປັນສະມາຊິກຂອງຄຣິສຕະຈັກໃດໜຶ່ງ
ກໍຢ່າໄດ້ຄອຍຖ້າຈົນກ່ວາວ່າຈະໄດ້ຮັບຄໍາເຊີນເລີຍ
ຄວນໄປຫາສິດຍາພິບານຂອງຄຣິສຕະຈັກທີ່ຢູ່ໃນບ້ານຂອງທ່ານ
ຊຶ່ງເປັນຄຣິສຕະຈັກທີ່ຖວາຍພະກຽດແດ່ພະຄຣິດ ແລະ ສອນພະຄໍາຂອງພະເຈົ້າ
ສະເໝີເຂົ້າເປັນສະມາຊິກ ແລ້ວເລີ້ມໄປນະມັດສະການພະເຈົ້າໃນຄຣິສຕະຈັກນັ້ນໃນອາທິດທີ່ຈະເຖິງ
ແລະ ອາທິດຕໍ່ໆໄປ.
ທ່ານປາຖະໜາທີ່ຈະໃຫ້ຜູ້ອື່ນຮັບປະສົບການເຊັ່ນນີ້ບໍ?
ຖ້າໜັງສືນີ້ ມີຄວາມໝາຍ ແລະ
ມີຄຸນຄ່າແກ່ທ່ານແລ້ວ ຂໍໃຫ້ແຊຣ໌ໃຫ້ກັບຄົນອື່ນຕໍ່ໄປ ຫຼືທ່ານຈະອ່ານໃຫ້ເຂົາຟັງກໍໄດ້.
ຂໍ້ຄວາມນີ້ “ທ່ານເຄິຍໄດ້ຍິນຄວາມຈິງສີ່ປະການ
ຫຼື ຍັງ” ນີ້ ແມ່ນພີມມາຈາກປື້ມຄວາມຈິງສີ່ປະການຂອງ
ຄຣີສຕຽນ ທີ່ໄດ້ແປອອກມາເປັນພາສາຕ່າງໆ
ພີມແຈກຢາຍໃຫ້ແກ່ປະຊາຊົນທົ່ວໂລກມາແລ້ວຫຼາຍລ້ານເຫຼັ້ມ ຜົນກໍຄື ໄດ້ມີສ່ວນຊ່ວຍໃຫ້ຄົນເປັນຈໍານວນຫຼາຍພົບວິຖິທາງຊຶ່ງເປັນໄປໄດ້
ໃນການມີຄວາມສໍາພັນກັບພະເຈົ້າເປັນການສ່ວນຕົວ ໂດຍທີ່ພະເຈົ້າໄດ້ປະທານພະເຢຊູຄຣິດ
ພະບຸດອົງດຽວຂອງພະອົງໃຫ້ແກ່ເຮົາ ເຮົາໄດ້ພົບວ່າ
ເມື່ອຄົນເຫຼົ່ານັ້ນໄດ້ອ່ານເລື່ອງລາວນີ້ແລ້ວ
ສ່ວນໃຫຍ່ປະຖະໜາທີ່ຈະເຊື່ອວາງໃຈພະເຢຊູຄຣິດ
ດຣ. ວິມລຽມ ອາຣ໌ ໄບຣທ໌
ຜູ້ກໍ່ຕັ້ງ (ອົງການແຄມພັສ
ຄຣູເສດ ຟ໌ຣ ໄຄຣສຕ)
