ຕາຍແລ້ວຈະໄປໃສ ແລະ ຈະພົ້ນບາບໄດ້ຢ່າງ­ໃດ?

 

ຕາຍແລ້ວຈະໄປໃສ

    ເຮົາຮູ້ແລ້ວວ່າ ພາຍ­ຫລັງທີ່ມະ­ນຸດຈາກໂລກນີ້ໄປ ວິນຍານຈິດຂອງເຂົາຈະໄປຢູ່ໃນທີສອງແຫ່ງຄື ບໍ່ແມ່ນສະ­ຫວັນກໍນາ­ຮົກ ທີສອງແຫ່ງນີ້ບໍ່ຄືເມືອງຫລືທີ່­ຢູ່ອາ­ໄສຕ່າງໆໃນໂລກນີ້ ເມືອງຕ່າງໆໃນໂລກນີ້ເປັນທີ່ເໝາະສຳ­ລັບຊີ­ວິດຝ່າຍຮ່າງ­ກາຍ ສະ­ຫວັນແລະນາ­ຮົກເປັນທີ່ເໝາະສຳ­ລັບຊີ­ວິດຝ່າຍຈິດວິນຍານ ຊຶ່ງເຮົາມີຄວາມເປັນຢູ່ທີ່ບໍ່ຄືໃນໂລກນີ້ ແລະບໍ່ມີມື້ສີ້ນສຸດລົງ

    ເພາະເຫດວ່າສະ­ຫມອງຂອງມະ­ນຸດເຮົາມີຂອບເຂດຈຳ­ກັດ ຈຶ່ງຈຳ­ເປັນທີ່ພະຄຳພີຕ້ອງໃຊ້ພາ­ສາທີ່ເຮົາຈະເຂົ້າ­ໃຈໄດ້ ເປັນແຕ່ພຽງການວາດພາບໃຫ້ເຮົາຮູ້ວ່າ ສະ­ຫວັນນັ້ນປຽບເໝືອນເມືອງທອງ ທີ່ບໍ່ມີຄວາມໂສກ­ເສົ້າ ບໍ່ມີຄວາມ­ເຈັບປວດຫລືຄວາມຂັດສົນໃດໆ ເປັນທີ່ປະ­ທັບຂອງພະເຈົ້າ ແລະ ເປັນທີ່ສຸກ­ຂະ­ເສີມສຳ­ລັບທຸກຄົນ ທີ່ຮັກພະອົງ ແລະເຊື່ອໃນພະເຢຊູຄຣິດເຈົ້າ ສ່ວນນາ­ຮົກນັ້ນເປັນສະ­ຖານ­ທີ່ໜ້າຢ້ານທີ່ສຸດ ປຽບເໝືອນບຶງໄຟທີ່ໄໝ້ຢູ່ເປັນ­ນິດ ເຮົາບໍ່ອາດຈະຫາຖ້ອຍຄຳໃດໆ ມາບັນລະຍາຍໄດ້ ນາ­ຮົກເປັນທີ່ອາ­ໄສຂອງພະ­ຍາມານແລະທຸກຄົນທີ່­ຢູ່ຝ່າຍມັນ

ຄວາມພົ້ນ 

ຈະພົ້ນບາບໄດ້ຢ່າງ­ໃດ

      ກ່ອນທີ່ຈະກ່າວເຖິງຄວາມພົ້ນ ຂໍໃຫ້ເຂົ້າ­ໃຈຄຳວ່າ­ຄວາມພົ້ນເສຍກ່ອນ ຄຳວ່າ­ຄວາມພົ້ນນັ້ນ ໝາຍເຖິງການຫລຸດພົ້ນຈາກການພິ­ພາກ­ສາລົງ­ໂທດຂອງພະເຈົ້າ ບໍ່ຕົກນາ­ຮົກ ແຕ່ໄປຢູ່ກັບພະເຈົ້າໃນເມືອງສະ­ຫວັນ

    ມະ­ນຸດເຮົາຈະເຮັດແນວ­ໃດ ຈິດວິນຍານຂອງເຮົາຈຶ່ງຈະໄດ້ຮັບການໄຖ່ໃຫ້ພົ້ນຈາກໂທດຂອງຄວາມບາບໄດ້ ບໍ່ມີໃຜຢາກໄດ້ຮັບຄວາມ­ທຸກທໍ­ລະ­ມານໃນບຶງໄຟທີ່ບໍ່ຮູ້ດັບ ຈຶ່ງເກີດມີການຄົ້ນ­ຄວ້າຮ່ຳ­ຮຽນຫາວິ­ທີແກ້ບາບເຊັ່ນ ບາງຄົນບອກວ່າ ການສຶກ­ສາເປັນວິ­ທີແກ້ບາບ ຍຸກປະ­ຈຸບັນນີ້ເປັນຍຸກຂອງການສຶກ­ສາ ມະ­ນຸດໄດ້ຮັບການສຶກ­ສາຫລາຍກວ່າຄົນໃນສະ­ໄໝກ່ອນໆ ແຕ່ຄວາມບາບບໍ່ໄດ້ລົດລົງໄປເລີຍ ຄວາມບາບພັດເພີ່ມເຕີມຂຶ້ນ ໄປທຸກຫົນທຸກແຫ່ງ

     ມີຫລາຍຄົນບອກວ່າ ຖ້າເຮັດສິ່ງ­ແວດ­ລ້ອມໃຫ້ດີ ຈະຊ່ວຍມະ­ນຸດ ບໍ່ໃຫ້ເຮັດສິ່ງຊົ່ວຮ້າຍຕ່າງໆ ນັ້ນ ນີ້ກໍບໍ່ຈິງຄືກັນ ມີຫລາຍປະ­ເທດທີ່ມີຄວາມຈະ­ເລີນທາງດ້ານເສດ­ຖະ­ກິດ ໃຫ້ຄວາມສະ­ດວກສະ­ບາຍແກ່ປະ­ຊາ­ຊົນດ້ວຍປະ­ການຕ່າງໆ ແຕ່ກໍບໍ່ໄດ້ເຮັດໃຫ້ມະ­ນຸດລະເວັ້ນຈາກຄວາມຜິດບາບ ການກະ­ທຳຜິດບາບກໍຍັງມີຢ່າງຊຸກຊຸມເຊັ່ນ ການຜິດຊາຍຍິງ ການເຮັດຮ້າຍ ການຜິດຖຽງກັນ ການກຽດຊັງກັນ ການຕົວະ ແລະການກະ­ທຳຜິດບາບອື່ນໆ ອຸບປະມາຄືໝູເປັນສັດມັກເປີເປື້ອນ ເຖິງເຮົາຈະຈັບມັນອາບ­ນ້ຳໃຫ້ສະ­ອາດ ລ້າງສະ­ບູຢ່າງດີ ເອົາເສື້ອຜ້າມາໃສ່ໃຫ້ມັນ ມັນກໍຈະແລ່ນລົງໄປນອນໃນໂຄນຂີ້­ຕົມອີກ ເຮົາຈະປ່ຽນ­ແປງອັນໃດກໍຕາມ ແຕ່ຖ້າບໍ່ມີການປ່ຽນ­ແປງພາຍໃນຈິດ­ໃຈແລ້ວ ມະ­ນຸດເຮົາກໍຈະກັບໄປນອນຈົມຢູ່ໃນກອງແຫ່ງຄວາມບາບຢ່າງເດີມຄື­ເກົ່າ

     ບາງຄົນບອກວ່າ ການຖືຮັກ­ສາສິນຖືຮັກ­ສາບັນ­ຍັດຈະນຳມະ­ນຸດໄປສູ່ຄວາມພົ້ນ ແຕ່ໃນທີ່ສຸດຈະພົບວ່າ ເຮົາບໍ່ສາ­ມາດຈະຖືຮັກ­ສາສິນຫລືບັນ­ຍັດໃດໆ ໄດ້ເລີຍ ທຳມະຊາດບາບທີ່ຕິດຢູ່ພາຍໃນຕົວເຮົາ ບໍ່ອາດຮັບເອົາຄວາມປ່ຽນ­ແປງໂດຍຄວາມພະ­ຍາ­ຍາມທີ່ຈະຖືຮັກ­ສາສິນຫລືບັນ­ຍັດໃດໆ ໄດ້ ຈິດ­ໃຈພາຍໃນຂອງເຮົາຍັງຄົງຕັ້ງຕົວເປັນສັດ­ຕູຕໍ່ພະເຈົ້າຢູ່ ບໍ່ຍອມຫັນກັບມາຫາພະອົງ ບໍ່ສາ­ມາດປະ­ສານຄວາມສຳ­ພັນກັບພະເຈົ້າໄດ້ ເຮົາຈຶ່ງເຫັນໄດ້ວ່າ ບໍ່ມີມະ­ນຸດຄົນໃດເປັນຄົນຊອບທຳຕໍ່ພະພັກພະເຈົ້າດ້ວຍການກະ­ທຳດີຂອງຕົນເອງໄດ້ ມະ­ນຸດຈຶ່ງໝົດຫວັງ ບໍ່ສາ­ມາດຊ່ວຍຕົວເອງໃຫ້ຫລຸດພົ້ນຈາກຄວາມຜິດບາບຂອງຕົນໄດ້ເລີຍ

ພະເຈົ້າຊົງຊ່ວຍໃຫ້ລອດພົ້ນ   ທ່ານເຄີຍໄດ້ຍິນຄວາມຈິງສີ່ປະການຫຼືຍັງ 

    ເຖິງແມ່ນວ່າຄົນເຮົາເປັນຄົນບາບແລະຢູ່ໃນສະ­ພາບໝົດຫວັງ ແຕ່ພະເຈົ້າຜູ້ຊົງສ້າງເຮົາຂຶ້ນຍັງຊົງຮັກເຮົາຢ່າງຫລວງ­ຫລາຍ ແລະຊົງປະ­ສົງຈະຊ່ວຍເຮົາໃຫ້ພົ້ນຈາກໂທດແຫ່ງຄວາມບາບ ພະອົງບໍ່ພໍພະໄທໃນບາບຂອງເຮົາເລີຍ ແຕ່ບໍ່ຊົງຖິ້ມເຮົາ ພະອົງຊົງຈັດທາງລອດພົ້ນໄວ້ໃຫ້ ຄວາມພົ້ນນີ້ເປັນໄປໄດ້ແນວ­ໃດແລະມີລັກ­ສະ­ນະແນວ­ໃດ ຈະຂໍອະ­ທິ­ບາຍດັ່ງຕໍ່ໄປນີ້

     ພະເຈົ້າເປັນພະເຈົ້າແຫ່ງຄວາມຮັກ ພະອົງມີພະປະ­ສົງທີ່ຈະຊ່ວຍມະ­ນຸດໃຫ້ລອດພົ້ນ ແລະຍົກ­ໂທດຄວາມບາບ ແຕ່ໃນຂະ­ນະດຽວກັນພະອົງຊົງເປັນພະເຈົ້າແຫ່ງຄວາມຍຸດ­ຕິທຳ ສະ­ນັ້ນພະອົງກໍຈຳ­ເປັນທີ່ຈະຕ້ອງຈັດ­ການຢ່າງ­ໃດຢ່າງໜຶ່ງຕໍ່ຄວາມບາບຂອງມະ­ນຸດ ພະອົງຊົງເປັນຜູ້ພິ­ພາກ­ສາ ຊົງເປັນຜູ້ອອກຄຳຕັດ­ສິນວ່າ ອັນໃດເປັນບາບ ແລະອັນໃດເປັນໂທດທີ່ຄູ່ຄວນກັບບາບ

     ໃນເມື່ອພະເຈົ້າຊົງມີສິດ­ທິອຳ­ນາດເໜືອຊີ­ວິດມະ­ນຸດທຸກຄົນແລ້ວ ພະອົງກໍມີສິດເດັດ­ຂາດທີ່ຈະລົງ­ໂທດຫລືຍົກ­ໂທດ ຕາມທີ່ພະອົງຊົງເຫັນວ່າເໝາະ ແລະຕາມພະປັນ­ຍາແລະພະເມດຕາຂອງພະອົງ ແຕ່ເພາະພະອົງບໍ່ພໍພະໄທໃນຄວາມບາບ ແລະປະ­ສົງຈະຮັກ­ສາຮາກຖານແຫ່ງສິນລະທຳໄວ້ ພະອົງຈຶ່ງບໍ່ຕ້ອງ­ການຈະຍົກບາບຢ່າງງ່າຍໆ ໂດຍບໍ່ຕ້ອງເສຍຄ່າອັນໃດເລີຍ ຈຶ່ງຈຳ­ເປັນທີ່ຈະຕ້ອງມີຜູ້ຮັບໂທດແທນມະ­ນຸດ ເພາະ­ວ່າພະອົງຊົງເປັນຜູ້ຍຸດ­ຕິທຳດັ່ງທີ່ກ່າວມາແລ້ວ

ຄວາມຮັກກັບຄວາມຍຸດ­ຕິທຳ

         ສົມ­ມຸດວ່າມີຜູ້ພິ­ພາກ­ສາຄົນໜຶ່ງ ນັ່ງບັນ­ລັງຕັດສີນຄະດີຄົນທີ່ເຮັດຜິດທີ່ເຂົາຮູ້­ຈັກ ຫລືຜູ້ເຮັດຜິດນັ້ນເປັນຍາດພີ່­ນ້ອງທີ່ເຂົາຮັກ ຖ້າຫາກເຂົາບໍ່ໄດ້ລົງ­ໂທດ ແຕ່ປ່ອຍຕົວຄົນຜິດໄປເພາະ­ວ່າຮັກ ເຮົາອາດຈະຄິດວ່າເຂົາຮັກຄົນນັ້ນແທ້ໆ ແຕ່ເຂົາເປັນຜູ້ພິ­ພາກ­ສາທີ່ບໍ່ຊື່­ສັດ ບໍ່ຍຸດ­ຕິທຳ ແລະບໍ່ເຄົາ­ລົບກົດ­ຫມາຍທີ່ທ່ານບໍ­ລິ­ຫານນັ້ນ ທຳ­ນອງດຽວກັນ ຖ້າພະເຈົ້າບອກແກ່ຄົນບາບວ່າ “ເຈົ້າໄດ້ກະ­ທຳຜິດໄປແລ້ວ ແຕ່ຄວາມຜິດນັ້ນກໍບໍ່ໜັກໜາຫຍັງ ເອົາ ລະ ເຮົາຍົກ­ໂທດໃຫ້ເຈົ້າແລ້ວ ຕໍ່ໄປຢ່າເຮັດຜິດອີກເດີ້” ຖ້າເປັນເຊັ່ນນັ້ນ­ແລ້ວ ພະອົງກໍຈະບໍ່ຊົງຄວາມຍຸດ­ຕິທຳອີກຕໍ່ໄປ

           ແຕ່ພະເຈົ້າບໍ່ໄດ້ຊົງກະ­ທຳເຊັ່ນນັ້ນ ພະອົງຜູ້ຊຶ່ງເປັນອົງບໍ­ລິ­ສຸດມາຮັບສະ­ພາບເປັນມະ­ນຸດໂດຍທາງອົງພະເຢຊູຄຣິດເຈົ້າ ຂະ­ນະດຳ­ລົງຊີ­ວິດເປັນມະ­ນຸດ ພະເຢຊູດຳ­ລົງຊີ­ວິດຢູ່ຢ່າງດີຮອບຄອບ ແມ່ນແຕ່ສັດ­ຕູຂອງພະອົງພະ­ຍາ­ຍາມຈັບຜິດພະອົງທັງກາງ­ເວັນແລະກາງ­ຄືນ ແຕ່ເຂົາກໍບໍ່ສາ­ມາດຫາຄວາມຜິດໃນພະອົງໄດ້ເລີຍ ພະອົງບໍ່ໄດ້ກະ­ທຳຜິດຫລືກະ­ທຳບາບປະ­ການໃດເລີຍ ເຖີງປານນັ້ນກໍຕາມພະອົງຍອມໃຫ້ສັດ­ຕູເອົາພະອົງໄປຕອກຄຶງໄວ້ເທິງໄມ້ກາງແຂນ ເພື່ອເປັນການຮັບໂທດໄຖ່ບາບແທນມະ­ນຸດ ຜູ້ທີ່ເປັນຕົວແທນມະ­ນຸດຈຳຕ້ອງເປັນມະ­ນຸດແທ້ແລະຕ້ອງເປັນຄົນທີ່ບໍ່ເຄີຍເຮັດຜິດບາບ ເພາະຖ້າເປັນຜູ້ເຮັດຜິດບາບແລ້ວ ກໍຢູ່ພາຍໃຕ້ການພິ­ພາກ­ສາຂອງພະເຈົ້າແບບດຽວກັນກັບຄົນອື່ນໆ ຈຶ່ງເປັນຕົວແທນມະ­ນຸດບໍ່ໄດ້ ພະເຢຊູຜູ້ດຽວທີ່ເປັນມະ­ນຸດບໍ­ລິ­ສຸດ ຈຶ່ງເປັນຜູ້ຮັບໂທດແທນຄົນເຮົາໄດ້

      ພະເຢຊູຜູ້ບໍ່ມີຄວາມບາບ ຕ້ອງຖືກເຮັດໃຫ້ເປັນຄືຄົນບາບຄົນໜຶ່ງ ເພື່ອໃຫ້ເຮົາກາຍ­ເປັນຄົນຊອບທຳຕໍ່ພະພັກພະເຈົ້າ ຫລືຈະເວົ້າອີກວ່າ ພະເຈົ້າໄດ້ເອົາຄວາມບາບຂອງເຮົາໄປຕັ້ງໄວ້ທີ່ພະເຢຊູ ແລະໄດ້ເອົາຄວາມຊອບທຳຄວາມບໍ­ລິ­ສຸດຂອງພະເຢຊູມາຕັ້ງໄວ້ທີ່ເຮົາ ການຕາຍຂອງພະເຢຊູເປັນທາງທີ່ພະເຈົ້າຊົງລົງ­ໂທດຄວາມບາບຢ່າງຍຸດ­ຕິທຳ ເພື່ອຈະໄດ້ຊົງຍົກ­ໂທດຄວາມບາບໄວ້ໂດຍທາງຄວາມຮັກ

        ທັງໝົດນີ້ອາດສະ­ຫລຸບໄດ້ ໂດຍອ້າງເຖິງຂໍ້ພະຄຳພີສອງຂໍ້ຄື “ພະເຈົ້າໄດ້ຊົງກະ­ທຳໃຫ້ພະຄຣິດ ຜູ້ຊົງບໍ່ມີຄວາມຜິດບາບນັ້ນ ໄດ້ເຂົ້າສ່ວນກັບຄວາມຜິດບາບຂອງເຂົາ ເພື່ອພວກເຮົາຈະໄດ້ເຂົ້າສ່ວນ ໃນຄວາມຊອບທັມຂອງພະເຈົ້າ ໂດຍທາງພະອົງ.” (2 ໂກຣິນໂທ 5:21) “ໃນພະກາຍຂອງພະອົງເອງ ພະອົງໄດ້ຊົງຮັບແບກບາບຂອງພວກເຮົາໄປເຖິງຕົ້ນ­ໄມ້ນັ້ນ ເພື່ອພວກເຮົາຈະໄດ້ຕາຍເສຍຝ່າຍການບາບແລະມີຊີ­ວິດຝ່າຍຄວາມຊອບທັມ ດ້ວຍບາດ­ແຜຂອງພະອົງ ທ່ານທັງ­ຫລາຍກໍດີປົກ­ກະ­ຕິແລ້ວ” (1 ເປໂຕ 2:24)

      ບາງຄົນອາດຈະສົງ­ໄສວ່າ ເປັນການບໍ່ຍຸດ­ຕິທຳທີ່ຜູ້ບໍ­ລິ­ສຸດຄືພະເຢຊູຈະຕ້ອງຕາຍແທນຄົນບາບ ຂໍຕອບວ່າ ການທີ່ພະເຢຊູຊົງຕາຍເພື່ອເຮົານັ້ນ ກໍບໍ່ແມ່ນເພາະຖືກບັງ­ຄັບແຕ່ຢ່າງ­ໃດ ແຕ່ເພາະລິດ­ເດດແຫ່ງຄວາມຮັກທີ່ຊົງມີຕໍ່ເຮົາ ພະອົງຊົງພໍພະໄທຕາຍເພື່ອເຮົາ ພະເຈົ້າ (ຄືພະບິ­ດາ) ແລະພະເຢຊູ (ຄືພະບຸດ) ມີຄວາມສຳ­ພັນເປັນພະເຈົ້າອົງດຽວກັນ ເຫດສະ­ນັ້ນການມໍ­ລະ­ນະພາບຂອງພະເຢຊູເພື່ອຄົນບາບ ກໍເທົ່າກັບພະເຈົ້າເອງເປັນຜູ້ທົນທຸກ­ທໍ­ລະ­ມານເພື່ອເຮົາ ພະເຈົ້າບໍ່ໄດ້ຈັບຜູ້ອື່ນມາບັງ­ຄັບໃຫ້ຕາຍເພື່ອເປັນການຮັບໂທດຈາກພະອົງ ແຕ່ພະອົງເອງພໍພະໄທທີ່ຈະຮັບໂທດແທນເຮົາ ເພື່ອວ່າເຮົາຜູ້ເປັນຄົນບາບຈະບໍ່ຖືກລົງ­ໂທດຈົນເຖິງຂະ­ໜາດຕ້ອງພິ­ນາດຈິບ­ຫາຍໄປຫມົດ

ທ່ານເຄີຍໄດ້ຍິນຄວາມຈິງສີ່ປະການຫຼືຍັງ 

****************

ຊອບປີ້ງ ກົດທີ່ນີ້

 

Read More

ຫນ່ວຍໂລກໃນລະບົບສຸລິຍະຈັກກະວານ

 ໂລກເຮົາເປັນດາວເຄາະດວງຫນຶ່ງ ເຊິ່ງຢູ່ໃນກຸ່ມດຽວກັນກັບດາວເຄາະອື່ນໆທີ່ປິ່ນອ້ອມດວງອາທິດ (ຕາເວັນ) ກຸມດາວເຄາະເຫຼົ່ານີ້ ແລະ ດວງຕາເວັນເອີ້ນວ່າ: ລະບົບສຸລິຍະຈັກກະວານ

 

1. ດວງຕາເວັນ

ດວງຕາເວັນເປັນດາວລຶກ ທີ່ເປັນສູນກາງຂອງລະບົບສຸລິຍະ. ດາວເຄາະ ແລະ ດາວຫາງ ລ້ວນແຕ່ໂຄຈອນຮອບດວງຕາເວັນທັງຫມົດ. ດວງຕາເວັນເປັນດາວລຶກທີ່ໃຫ້ຄວາມສໍາຄັນທີ່ສຸດຕໍ່ໂລກເຊັ່ນ: ໃຫ້ແສງແດດ, ແສງສະຫວ່າງໃຫ້ຄວາມອົບອຸ່ນແກສັດ, ມະນຸດ ແລະ ໃຫ້ພະລັງງານແກພືດ ນອກນັ້ນ ຍັງເຮັດໃຫ້ໂລກມີພູມອາກາດຫຼາຍປະເພດທັງເອື້ອອໍານວຍຕໍ່ການດໍາລົງຊີວິດຂອງມະນຸດ. ດວງຕາເວັນປະກອບດ້ວຍຮີໂດຣແຊນ 74%, ເຮລຽມ 25% ແລະ ທາດອື່ນໆໃນປະລິມານເລັກນ້ອຍ. ດວງຕາເວັນທີ່ພວກເຮົາເຫັນທຸກວັນນີ້ເປັນດາວທີ່ມີຂະຫນາດໃຫຍ່ຫຼາຍ ຖ້າທຽບໃສ່ກັບດາວອື່ນໆ.

ລະບົບສຸລິຍະຈັກກະວານ: ກຸມຂອງດວງຕາເວັນ ແລະ ດາວເຄາະຕ່າງໆ ທີ່ປິ່ນອ້ອມດວງຕາເວັນ. 

ດາວລຶກ: ແມນດາວທີ່ສາມາດແລັດສະຫມີອອກໄປຮອບຕົວເອງ. 

ດາວເຄາະ: ແມ່ນດາວທີ່ບໍ່ສາມາດແພ່ແສງຮອບຕົນເອງ. 

ດາວຫາງ: ເປັນວັດຖຸເທິງຟ້າທີ່ມີແສງ ແລະ ໂຄຈອນອ້ອມດວງຕາເວັນ.

       ແຕ່ຖ້າທຽບໃສ່ຫນ່ວຍໂລກ ເສັ້ນຜ່າກາງຂອງດວງຕາເວັນຍາວກວ່າ ເສັ້ນຜ່າກາງຂອງຫນ່ວຍໂລກ 109 ເທື່ອ ແລະ ບໍລິມາດໃຫຍ່ກວ່າບໍລິມາດຂອງຫນ່ວຍໂລກຕັ້ງ 1 300 000 ເທື່ອ, ແຕ່ພວກເຮົາເບິ່ງດ້ວຍຕາເປົ່າ ເຫັນວ່າ ດວງຕາເວັນນ້ອຍຍ້ອນວ່າ ມັນຢູ່ໄກຫນ່ວຍໂລກຕັ້ງຫນຶ່ງຮ້ອຍຫ້າສິບລ້ານ ກມ (150 000 000 ກມ) ດວງຕາເວັນແຜ່ຄວາມຮ້ອນ ແລະ ແສງສະຫວ່າງອອກໄປທົ່ວທຸກທິດ. ຖ້າຫນ່ວຍໂລກບໍ່ໄດ້ຮັບແສງ ສະຫວາງ ແລະ ຄວາມຮ້ອນນັ້ນຫນ່ວຍໂລກກໍຈະມືດ, ເຢັນກະດ້າງ, ມວນມະນຸດ, ສັດ ແລະ ພຶກສາຊາດ ຕ່າງໆກໍຈະຖືກດັບສູນ.

2. ດາວເຄາະ

ອີງຕາມຄໍານິຍາມໃຫມ່ທີ່ໄດ້ຜ່ານກອງປະຊຸມສະຫະພັນດາລາສາດສາກົນຄັ້ງວັນທີ 24 ສິງຫາ ປີ 2006 ດາວເຄາະຫມາຍເຖິງວັດຖຸຮູບມົນກົມເທິງທ້ອງຟ້າທີ່ປິ່ນອ້ອມດວງຕາເວັນ, ປັດຈຸບັນໃນລະບົບ ສຸລິຍະຈັກກະວານມີດາວເຄາະ ດວງດັ່ງນີ້: 1. ດາວພຸດ (Mercure/Mercury), 2. ດາວພະສຸກ (Venus). 3. ຫນ່ວຍໂລກ (Terre/Earth), 4. ດາວອັງຄານ (Mars), 5.ດາວພະຫັດ (Jupiter), 6, ດາວເສົາ (Saturne/ Saturn), 7. ດາວມະລືຕະຍູ (Uranus), 8, ດາວເກດ (Neptune), ເພິ່ນໄດ້ຕັດເອົາດາວຍົມ Pluton/ Pluto) ອອກຈາກວົງໂຄຈອນຍ້ອນວ່າ ມັນບໍ່ສາມາດຄວບຄຸມ ແຮງດຶງດູດ ແລະ ວົງໂຄຈອນຂອງສິ່ງຕ່າງໆ ທີ່ຢູຮອບວົງ ໂຄຈອນຂອງມັນໄດ້ ". ສະເພາະຫນ່ວຍໂລກມີດວງຈັນເປັນບໍລິວານຫມູນອ້ອມ. II. ຫນ່ວຍໂລກ

ຮູບຮ່າງ ແລະ ຂະຫນາດຂອງຫນ່ວຍໂລກ

ຫນ່ວຍໂລກເປັນຮູບມົນກົມ, ເຊິ່ງປັດຈຸບັນສາມາດພິສູດໄດ້ຈາກການຖ່າຍຮູບໂລກໃນລັກສະນະຮູບ ຊົງກົມຈາກນອກໂລກໄດ້. ຄິດໄລ່ສະເລ່ຍເສັ້ນຜ່າກາງຂອງຫນ່ວຍໂລກ ຍາວປະມານ 12 756 ກມ; ລວງຮອບ ຂອງຫນ່ວຍໂລກ 40 076 ກມ, ເນື້ອທີ່ຂອງຫນ່ວຍໂລກ 510 000 000 ກມ .

ເສັ້ນຂະຫນານ ແລະ ເສັ້ນແວງ

     ເສັ້ນຂະຫນານແມ່ນເສັ້ນວົງມົນຕ່າງໆ ທີ່ສົມມຸດອ້ອມຫນ່ວຍ ໂລກຕາມທາງຂວາງ. ເສັ້ນຂະຫນານເຫຼົ່ານັ້ນມີເສັ້ນລັດສະຫມີຍາວບໍ່ເທົ່າກັນ, ເສັ້ນຂະຫນານທີ່ມີເສັ້ນລັດສະຫມີຍາວກວ່າຫມູ່ນັ້ນ ແມ່ນເສັ້ນສູນສູດ ເຊິ່ງເປັນເສັ້ນທີ່ແປງຫນ່ວຍໂລກອອກເປັນສອງພາກສ່ວນເທົ່າກັນຄື: ເຟື້ອງ ໂລກເຫນືອ ແລະ ເຟື້ອງ ໂລກໃຕ້, ຍິ່ງມໍ່ຂົ້ວໂລກເທົ່າໃດ, ວົງເສັ້ນຂະຫນານເຫຼົ່ານັ້ນຈະນ້ອຍເຂົ້າເປັນລໍາດັບ, ສຸດທ້າຍເສັ້ນ

      ທີ່ຢູ່ຂົ້ວໂລກເຫຼືອແຕ່ຈຸດດຽວເທົ່ານັ້ນ ເພິ່ນຮຽກວ່າ ຂົ້ວໂລກ. ໄລຍະຫ່າງລະຫວ່າງສອງຂົ້ວໂລກແມ່ນ 186 (ອົງສາ).

ການແບ່ງໄລຍະຫ່າງຖ້າໄລ່ແຕ່ເສັ້ນສູນສູດຮອດຂົ້ວໂລກເຫນືອ ຫຼື ຂົ້ວໂລກໃຕ້ແມ່ນມີ 90" ຖ້າເຮົາ ຂີດເສັ້ນຂະຫນານໃຫ້ມີໄລຍະຫ່າງກັນ 1”, ຈາກເສັ້ນສູນສູດຈົນຮອດຂົ້ວໂລກໃຕ້ ຫຼື ເຫນືອຈະໄດ້ເສັ້ນຂະຫນານ 89 ເສັ້ນ, ແຕ່ວ່າຢູ່ຂົ້ວໂລກແມ່ນຈຸດດຽວເທົ່ານັ້ນ ແລະ ໄດ້ຜັກເສັ້ນສູນສູດອອກແລ້ວ, ເສັ້ນຂະຫນານ ຕ່າງໆທີ່ຢູ່ລະຫວ່າງກາງເສັ້ນສູນສູດ ແລະ ຂົ້ວໂລກເຫນືອເອີ້ນວ່າ: ເສັ້ນຂະຫນານເຫນືອ, ສ່ວນເສັ້ນຂະຫນານ ຕ່າງໆທີ່ຢູ່ລະຫວ່າງເສັ້ນສູນສູດ ແລະ ຂົ້ວໂລກໃຕ້ເອີ້ນວ່າ: ເສັ້ນຂະຫນານໃຕ້, ເສັ້ນຂະຫນານເຫນືອທີ 23” 27 ເອີ້ນວ່າ: ເສັ້ນອາຍັນເຫນືອ, ເສັ້ນຂະຫນານໃຕ້ທີ 23-27 ເອີ້ນວ່າ: ເສັ້ນອາຍັນໃຕ້, ເສັ້ນອາຍັນແມ່ນ ເສັ້ນທີ່ແສງຕາເວັນສ່ອງມາຕັ້ງສາກ ຫຼື ຢູ່ຊື່ຫົວພວກເຮົາໃນເວລາທ່ຽງຂອງວັນທີ 22 ມີຖຸນາ ຢູ່ເຟື້ອງ ໂລກເຫນືອ ແລະ ຂອງວັນທີ 22 ທັນວາ ຢູເຟື້ອງ ໂລກໃຕ້.

ເສັ້ນແວງ

ເສັ້ນແວງແມ່ນເສັ້ນສົມມຸດທີ່ເນັ່ງແຕ່ຂົ້ວໂລກເຫນືອຫາຂົ້ວໂລກໃຕ້, ຖ້າເຮົາຂີດເສັ້ນຫ່າງກັນ1” (ອົງສາ) ເຮົາຈະໄດ້ເສັ້ນແວງອ້ອມໂລກທັງຫມົດ 360 ເສັ້ນ, ໃນນັ້ນ ມີເສັ້ນແວງຕາເວັນອອກ 180 ເສັ້ນ, ເສັ້ນແວງ ຕາເວັນຕົກ 180 ເສັ້ນ, ເສັ້ນເຫຼົ່ານັ້ນເທົ່າກັນ ແລະ ມາຈຸກັນຢູ່ສອງຂົ້ວໂລກ

ເພິ່ນໄດ້ກໍານົດເອົາເສັ້ນແວງທີ່ຜ່ານສະຖານີດາລາສາດຄຣິນວິດ (Greenwich) (ຢູ່ລອນດອນ ນະຄອນຫຼວງຂອງປະເທດອັງກິດ, ເປັນເສັ້ນແວງເຂົ້າ (ເສັ້ນແວງ 0° “ສູນອົງສາ ), ແຕ່ລະເສັ້ນແວງ ໄດ້ຫມາຍຈໍານວນອົງສາ ເພື່ອບອກໄລຍະຫ່າງລະຫວ່າງມັນກັບເສັ້ນແວງເຄົ້າ. ຈໍານວນອົງສາທີ່ຫມາຍ ຢູ່ເສັ້ນແວງເອີ້ນວ່າ: ອົງສາແວງ, ຈໍານວນອົງສາທີ່ໄດ້ບອກແຈ້ງໄລຍະຫ່າງຂອງເສັ້ນແວງຕ່າງໆ ຢູ່ທາງເບື້ອງຕາເວັນຕົກ ຂອງເສັ້ນແວງເຄົ້າເອີ້ນວ່າ: ອົງສາແວງຕາເວັນຕົກ, ຈໍານວນອົງສາແວງ

ຂົ້ວໂລກ

ສອງສົ້ນຂອງແກນໂລກ ຫຼື ເພົາ ໂລກເອີ້ນວ່າ: ຂົ້ວໂລກ. ຫນ່ວຍໂລກມີສອງຂົ້ວໂລກຄື: ຂົ້ວໂລກເຫນືອ ແລະ ຂົ້ວໂລກໃຕ້ ເມື່ອຫນ່ວຍໂລກປິ່ນອ້ອມຕົນມັນເອງ, ສອງຈຸດຂົ້ວໂລກຍັງຢູ່ຄົງທີ່, ສ່ວນຈຸດຕ່າງໆຢູ່ຫນ້າ ໂລກກໍເຄື່ອນຍ້າຍຕາມວົງມົນໃນໄລຍະວັນຫນຶ່ງໄດ້ຮອບຫນຶ່ງ.

ການກໍານົດຈຸດພິກັດດ້ານພູມສາດ

   ເພື່ອຢາກຮູ້ຕໍາແຫນ່ງທີ່ຕັ້ງຂອງສະຖານທີ່ຕ່າງໆເທິງຫນ້າໂລກນັ້ນເພິ່ນໄດ້ກໍານົດໃຫ້ເທິງພື້ນຜິວໂລກ ມີເສັ້ນສົມມຸດ 2 ລະບົບຄື: ລະບົບອົງສາຂະຫນານ ແລະ ລະບົບອົງສາແວງ. ເສັ້ນສົມມຸດທັງສອງ ລະບົບຈະຕັດກັນ ແລະ ແຕ່ລະຈຸດທີ່ຕັດກັນແມ່ນຈຸດພິກັດດ້ານພູມສາດ ເຊິ່ງໃຊ້ກໍານົດຕໍາແຫນ່ງສະຖານທີ່ ຕ່າງໆເທິງພື້ນຜິວໂລກ.

 ************

ສະປອນເຊີເດີນີ້ ກົດໃຫ້ແນ່ 555

 

Read More

ຄວາມຮັກຂອງຄົນເກິດວັນຄານ

    ນິໃສຂອງຄົນເກີດວັນຄານ :  ຄົນເກີດວັນນີ້ ເປັນພໍ່ແມ່ບຸນທຸ່ມ ເວລາຮັກໃຜໂຄດໆຈະຈິງຈັງລະດັບສິບ! ເປັນຄົນໃຈຮ້ານ ຕອບຊ້າ-555 ປະມານ 5 ນາທີຈະຮູ້ສຶກໃຈຫາຍແລ້ວວ່າເຮົາເວົ້າຫຍັງຜິດໄປບໍ? ຫຼໍວ່າເຂົາບໍ່ຢາກລົມກັບເຮົາບໍຫວະ? ຫລືວ່າເກີດເຫດຮ້າຍຫຍັງຂື້ນນ້າ 55! ຫລືວ່າຄາແອບລົມກັບຄົນອື່ນຢູ່ບໍຫວະ

    ນິໃສເວລາຄວາມຮັກຂອງຄົນເກີດວັນຄານ : ຖ້າຢູ່ໃນຊ່ວງອິນເລີບຟແລ້ວຈະອາລົມດີໝົດມື້ ຍີ້ມຄົນດຽວ ເປັນຄົນຕິດແຟນ ຢາກຢູ່ນຳຕະຫລອດເວລາ ເຈົ້າຢູ່ໃສ ຂ້ອຍຈະໄປຢູ່ຕໍ່ໜ້າ ຈະໄປຫາແທ້ໆ! ແລະ ຄ່ອນຂ້າງຄາດວັງໃນຕົວຄົນຮັກຫຼາຍ ຖ້າໃຫ້ 100 ຕ້ອງໃຫ້ກັບມາ 100 ມັກຫຍັງທີ່ແຟຣ໌ໆ ຖ້າບໍ່ແຟຣ໌ກໍຫາໃຫມ່ ມັກຄວາມຕື່ນເຕັ້ນທ້າທາຍ ຖ້າອີກຝ່າຍຫຼີ້ນຕົວນິດໜື່ງ ເຂົ້າຫາແນ່ ເອົາໃຈກ່ອນນິດໆ ແກ້ງບໍ່ຕອບແນ່ນິດໆ ຍິ່ງຕື່ນເຕັ້ນ ຍິງຖ້າອີກຝ່າຍໃສ່ໃຈ ແລະ ເຂົ້າໃຈໃນຕົວຂອງຄົນທີ່ເກີດວັນຄານ ຮັບຮອງວ່າຮັກຈົນມູຟອອນໄປໃສບໍ່ໄດ້.

              ລະດັບຄວາມຄັ້ງໃນຄວາມຮັກ 100%

 ************

ສະປອນເຊີເດີນີ້ ກົດໃຫ້ແນ່ 555

Read More

ທຸກສິ່ງຕ້ອງມີຜູ້ສ້າງ

 

    ສົມ­ມຸດວ່າຂ້າ­ພະ­ເຈົ້າເຂົ້າໄປໃນປ່າເລິກ ທີ່ບໍ່ມີຄົນຢູ່ເລີຍ ແລ້ວ­ໄປພົບເຮືອນຫລັງໜຶ່ງໃຫຍ່ໂຕງົດງາມ ມີເສົາຊີ­ມັງ ຫລັງ­ຄາມຸງກະ­ເບື້ອງ ພື້ນໄມ້ຂັດເຫລື້ອມເປັນເງົາ ປ່ອງ­ຢ້ຽມເຮັດດ້ວຍແວ່ນແກ້ວ ຂ້າ­ພະ­ເຈົ້າຈະຄິດວ່າເຮືອນຫລັງນີ້ເກີດຂຶ້ນເອງຫລື ຄົງບໍ່ມີຄົນທີ່ມີສະ­ຕິແລະເຫດ­ຜົນຄົນໃດຈະຄິດວ່າ ມັນເກີດຂຶ້ນເອງເປັນແນ່­ນອນ ຢ່າງ­ໃດກໍດີເຮົາຈະທຶກທັກຖືເອົາວ່າ ສາ­ກົນຈັກ­ກະ­ວານນີ້ແລະທຸກສິ່ງເຊັ່ນ ຕາ­ເວັນ ດວງດາວ ກົກໄມ້ ສັດແລະມະ­ນຸດເກີດຂຶ້ນມາເອງເພາະມີມາຕັ້ງ­ແຕ່ກ່ອນເຮົາເກີດແລ້ວກໍບໍ່ໄດ້ ຖ້າເຮົາຄິດວ່າເກີດຂຶ້ນເອງ ກໍເທົ່າກັບວ່າ ຊີ­ມັງ ຫິນ ໄມ້ແລະແວ່ນແລ່ນມາລວມກັນເຂົ້າເປັນເຮືອນເອງ ຊຶ່ງກໍເປັນໄປບໍ່ໄດ້ຕາມເຫດ­ຜົນ

ກົດທີ່ນີ້: ອ່ານ ຄວາມຈິງສີ່ປະການ

       ເຖິງແມ່ນວ່າເປັນເຮືອນທຳມະດາ ຄົນທີ່ສ້າງເຮືອນນັ້ນຕ້ອງມີຄວາມຊຳ­ນານ ມີສະ­ຫມອງຄິດແລະມີຝີມືດີ ຖ້າເປັນດາວທຽມທີ່ໂຄ­ຈອນໃນອາ­ກາດ ຜູ້ທີ່ຄິດເຮັດຂຶ້ນຕ້ອງມີສະ­ຫມອງເກັ່ງ ມີຄວາມສະ­ຫລຽວສະ­ຫລາດຫລາຍກວ່າຄົນທີ່ປຸກ­ເຮືອນຫລາຍເທົ່າ ດັ່ງ­ນັ້ນລອງຄິດເບິ່ງວ່າ ຜູ້ທີ່ຄິດສ້າງຮ່າງ­ກາຍຂອງມະ­ນຸດເຮົາ ຕະ­ຫລອດຈົນເຖິງບັນ­ດາສັດທັງປວງ ທີ່ປະ­ກອບດ້ວຍອະໄວຍະວະຫລາຍສ່ວນຢ່າງໜ້າພິດ­ສະ­ຫວົງ ຜູ້ນັ້ນຕ້ອງມີສະ­ຕິ­ປັນ­ຍາແລະຄວາມຊ່ຽວ­ຊານຈັກເທົ່າ­ໃດ

ອ່ານພະຄໍາພີ : ພະເຈົ້າສ້າງໂລກ ພະຄໍາ ປະຖົມມະການ

**************

ສະປອນເຊີເດີນີ້ ກົດໃຫ້ແນ່ 555

 

Read More

Flutter ແມ່ນຫຍັງ?

Flutter ແມ່ນ Framework ທີ່ໃຊ້ສ້າງ UI ສໍາຫຼັບ mobile application ທີ່ສາມາດທໍາງານຂ້າມເຟດຟອມໄດ້ທັງ  iOS ແລະ Android ໃນເວລາດຽວກັນ ໂດຍພາສາທີ່ໃຊ້ໃນ Flutter ນັ້ນຈະເປັນພາສາ dart ຊື່ງຜູ້ພັດທະນາໂດຍ Google ແລະທີ່ສໍາຄັນຄືເປັນ open source ທີ່ສາມາດໃຊ້ງານແບບຟຣີໆ ອີກດ້ວຍ

 

 ຕົວຢ່າງ  syntax ຂອງພາສາ  dart ທີ່ໃຊ້ໃນ  Flutter ຊື່ງຈະມີຄວາມຄ້າຍກັບ  Java ເນື່ອງຈາກ dart ເປັນພາສາທີ່ຮອງຮັບ  OOP ແລະ ມີແນວຄິດ  class ແລະ  inheritance ແບບດຽວກັນກັບພາສາ  Java ນັ້ນເອງ

    ຊື່ງຫາກສັງເກດຈາກຕົວດ້ານເທີງ ຈະເຫັນວ່າ Flutter ນັ້ນຈະມີ Widget  ພື້ນຖານມາໃຫ້ ເພື່ອເຮັດໃຫ້ການອອກແບບ UI ມີຄວາມງາາຍ ແລະ ສະດວກຍິ່ງຂື້ນ ໂດຍ Widget ພື້ນຖານຂອງ Flutter ຫຼັກໆ ຈະມີຢູ່ 2 ຊະນິດຄື StatelessWidget ແລະ  StatefulWidget ໂດຍທີ່ StatelessWidget ຈະໃຊ້ສ້າງ Widget ທີ່ບໍ່ມີການຈັດການສະຖານະການທໍາງານໃດໆເຊັ່ນ ການສະແດງຂໍ້ຄວາມ, Icon ຫຼືຮູບພາບທີ່ບໍ່ມີ animation ເຂົ້າມາກ່ຽວຂ້ອງ ເປັນຕົ້ນສ່ວນ StatefulWidget ຈະໃຊ້ສ້າງ Widget  ທີ່ມີການຈັດການສະຖານະການທໍາງານຕ່າງໆເຊັ່ນການສ້າງ Icon ທີ່ມີການໃສ່ animation  ໃຫ້ສາມາດຍ້າຍໄປມາໄດ້ ປຸ່ມກົດຕ່າງໆ ເທິງໜ້າ UI ເປັນຕົ້ນ

ຈຸດເດັ່ນຂອງ Flutter ແມ່ນຫຍັງ?

ຈຸດເດັ່ນຫຼັກໆຂອງ Flutter ຄື ລະບົບ Hot Reload  ໂດຍເມື່ອມີການທົດສອບການສ້າງ, ການ add features ຫຼືການກະທໍາຕ່າງໆ ກັບ UI  ຈະຕ້ອງມີການ reload ເພື່ອໃຫ້ຫນ້າ UI update ຊື່ງລະບົບ Hot Reload ຈະເຂົ້າມາຊ່ວຍໃນສ່ວນຂອງການ reload  ໂດຍຈຸດເດັ່ນຂອງລະບົບນີ້ຄືການຢືນລະຍະເວລາທີ່ໃຊ້ໃນການ reload  ໃຫ້ເຫຼືອພຽງວິນາທີເທົ່ານັ້ນ ທໍາໃຫ້ການພັດທະນາ UI ຂອງ application  ມີຄວາມໄວຂື້ນຢ່າງຫຼາຍ ແລະ ຍັງມີຈຸດເດັ່ນອື່ນໆ ທີ່ຊ່ວຍໃຫ້ການພັດທະນາເປັນໄປໄດ້ງ່າຍຂື້ນບໍ່ວ່າຈະເປັນ Build-In ທີ່ຊ່ວຍໃນການອອກແບບ UI  ໃຫ້ມີຄວາມສວຍງາມຍິ່ງຂື້ນຢ່າງ Material Design ແລະ Cupertino (iOS-flavor), ມີ Framework ທີ່ຊ່ວຍໃນການທໍາ animation ຕ່າງໆ ຫຼື gesture ຂອງ UI ເປັນເລື່ອງງ່າຍຍິ່ງຂື້ນ ແລະ ຍັງສາມາດໃຊ້ງານຮ່ວມກັບ IDE ທີ່ກໍາລັງເປັນທີ່ນິຍົມຢູ່ໃນປັດຈຸບັນຢ່າງ VS Code ແລະ Android Studio ໄດ້ອີກດ້ວຍ

 

ຂໍ້ເສຍຂອງ Flutter

ຈາກທີ່ກ່າວມາວ່າຈຸດເດັ່ນຕາງໆຂອງ Flutter ມີຫຍັງແນ່ ແຕ່ຄາວນີ້ເຮົາຈະມາເວົ້າເຖິງຈຸດອ່ອນນຳ ໂດຍຂໍ້ເສຍຫຼັກ ທີ່ມັກພົບຄື ການໃຊ້ພາສາ dart  ໃນການຂຽນ ຊື່ງຄົນສ່ວນໃຫຍ່ອາດຈະຍັງບໍ່ຄຸ້ນເຄີຍກັບ syntax ຂອງພາສານີ້ພໍປານໃດ ປະກັບກັບ community  ຍັງນ້ອຍຢູ່ເນື່ອງຈາກ Flutter  ຍັງເປີດຕົວມາໄດ້ບໍ່ດົນມານີ້ເມື່ອທຽບກັບ Framework ຕົວອື່ນໆ ເຊັ້ນ React Native ທີ່ມີ community ຄ່ອນຂ້າງໃຫຍ່ ຈຶ່ງເຮັດໃຫ້ document ຍັງບໍ່ຫຼາຍເທົ່າໃດທີ່ຄວນ ເຮັດໃຫ້ເວລາມີປັນຫາກ່ຽວກັບການໃຊ້ງານອາດຈະຕ້ອງມານັ່ງງົມຫາວິທີແກ້ໄຂດົນສົມຄວນ

*****************

ຊື້ປື້ມອອນໄລນ໌ໄດ້ທີ່ນີ້

 

 

Read More